О́ńir jemshópten taryqpaıdy

Oblys sharýashylyqtary­nyń jalpy shóp qajettiligi 850 myń tonna, sonyń ishinde 492 myń tonna aýyl turǵyndarynyń qoradaǵy malyna qajet. Bıyl­ǵy mamyr aıaǵy­nan bastalyp, maý­symnyń aıaǵyna deıin sozyl­ǵan ystyq dalanyń shóbin bir­shama kúıdirip jibergen. Biraq shildeden bastap jaýǵan jaýyn kókoraıdy qaıta ósirip, qa­zir suıyqtaý bolǵanymen shóbi belýardan keletin jerler bar. Sondyqtan sharýa qazir shóp jınaý naýqanyn qyzý júrgizý­de. Aýyl sharýashylyǵy basqar­masy agronomııa bóliminiń bas­­ty­ǵy Baqtııar Bekjannyń aıtýy­na qaraǵanda, bıyl oblys­tyń shópten qysylmasy anyq.

Shópten basqa búgingi tańda 76,7 myń tonna pishendeme úıilip alyndy. Bul jospardyń – 39,6%-y. Al tamyzdyń ekin­shi jartysynan bastap agro­qurylymdar júgeri shabýǵa kirisip, súrlem daıyndap alady. Onyń shyǵymyna da sońǵy jaýyndar jaqsy áser etip, ónim jyldaǵydan kemirek bolsa da, az bolmasy anyq.

Bıyl aýyldyq ákimdikter arnaıy shabyndyqtar men aıryq­sha qorǵalatyn tabıǵı aýmaqtardan da shóp shabýdy uıym­dastyrdy. Bul úshin aýyl turǵyndary arasynan tehnıkasy barlarynan arnaıy brıgadalar jasaqtaldy. Bul brıgadalar orman qoryndaǵy qýystar men zapastaǵy qorlardan da shóp shabýda.

Sonymen qatar jerdi paıdalaný quqyqtaryn jalǵa alǵany úshin kóp­tegen agroqu­ry­lym halyqqa paı­dyń esebine tirkememen shóp ákelip berýde. Ásirese zeınetker­ler men az qamtylǵan otbasylaryna osyndaı kómekter jasalyp jatyr. Sondaı-aq aýdandyq ákimdikter arnaıy jármeń­ke­ler uıymdastyryp, onda qala men aýdan ortalyǵynyń tur­ǵyndary úshin belgilengen baǵa­ǵa jemshóp satýda. Osy kúnge deıin 29 jármeńke bolyp, oǵan 250 agro­qurylym qatysty. Bul jumystar jyldyń aıaǵyna deıin jalǵasady.

Agroqurylymdarmen jem-shópke baılanysty jasalǵan bir jumys sabanǵa baılanys­ty. Shetel­dik kombaındardyń bári ony usaq­tap tastap, qara­topy­raqpen aralas­ty­ryp jibe­retin. Bıylǵy qýańshy­lyq­ty eskerip oblys basshylary agro­­qurylymdarmen sabandy saq­taý­ǵa kelisti. Erteńgi kúni úl­ken oraq bastalǵanda saban­dy da úıip alý nemese ony qýań­shy­lyq­tan japa shegip jatqan aımaq­tarǵa jóneltý kózdelip otyr.

Al mańǵystaýlyq baýyr­larǵa degen jemshóp kómegi mar­dymdy dep aıta almaımyz. Osy kúnge de­ıin ol jaqqa bir vagon kebek qana jóneltilgen eken. Onyń óziniń qan­daı aýyldarǵa barǵany belgisiz, tek mańǵystaýlyq aǵaıyn qabyl­dap alypty. Aldaǵy ýaqytta bul sharýaǵa jitilik kerek ekeni kórinip tur.

Soltústik Qazaqstan oblysy