Shyǵys Qazaqstan oblysy Besqaraǵaı aýdandyq polısııa bólimshesine 89 jastaǵy zeınetker júgingen. О́z sózinde ol beıtanys er adamnyń «otyn ákelip beremin» dep 55 000 teńgesin alyp, sol kúıi habarsyz ketkenin jetkizgen.
Sondaı-aq polısııa qyzmetkerleri taǵy bir faktini anyqtady.
«72 jastaǵy zeınetker ózin áńgimege tartqan belgisiz bireýdiń «ulymnyń emine aqsha kerek» dep kómek suraǵanyn aıtty. Oıyna esh sekem kelmegen ol alaıaqqa 20 000 teńge bergen. Tártip saqshylary jedel-izdestirý sharalary barysynda buryn sottalǵan 45 jastaǵy er adamdy qolǵa túsirdi», dep habarlady vedomstvo ókilderi.
Qazirgi ýaqytta atalǵan fakti QR QK 190-baby 1-bóligine «Alaıaqtyq» boıynsha sotqa deıingi tergeý amaldary júrgizilýde.
