ShQO ákimdiginiń baspasóz qyzmeti bul týraly 10 tamyzda VVS jáne taǵy birneshe jetekshi brıtandyq aqparattyq saıttar jazǵanyn atap ótti.
«Shamamen 2700 jyl buryn jerlengen ejelgi jaýyngerlerge tıesili Altyn artefaktiler Ulybrıtanııada alǵash ret kórsetiledi. Shyǵys Qazaqstan oblysynyń saq qorymdarynyń eksponattary Fısýılıam murajaıynda usynylady. Sondaı-aq, zergerlik buıymdar, at ábzelderi jáne basqa da zattar usynylatyn bolady. Zertteýshiler olardy ınvazıvti emes tehnologııany qoldana otyryp zertteıdi», dedi BBC News.
Bedeldi basylymdardyń biri - The Times gazeti Jas sadaqshynyń qorymy kópshiliktiń nazaryn aýdaratyn element bolatynyn, al úsh saq qorymynan tabylǵan qazynalar 28 qyrkúıekten bastap kópshilik nazaryna usynylatynyn atap ótti. Daily Mail gazeti kórmede 300-den astam artefakt usynylady, olardyń keıbireýleri myńdaǵan usaq bólshekterden turady dep jazady. The Guardian basylymy, óz kezeginde, kórmede Qazaqstannyń sońǵy jyldardaǵy eń jarqyn arheologııalyq ashylýlary kórsetiletinin atap ótti.
