Persıdter - jyl saıyn tamyz aıynda Perseı shoqjuldyzynan paıda bolady. Meteor aǵyny jerdiń Svıft - Tattla kometasy shyǵarǵan shań bólshekteriniń ótýi nátıjesinde paıda bolady. Qum dániniń eń kishkentaı bólshekteri jer atmosferasynda kúıip, «Juldyzdy jańbyr» túzedi.
Aspan shoýynyń kórermeni bolý úshin Aleksandr Gýbert qala syrtyna shyǵýǵa keńes beredi.
Meteor aǵyny óz belsendiligine 12 tamyzdan 13 tamyzǵa deıin jetedi. Bul túnde aspanda saǵatyna 60-qa jýyq juldyzdy kórýge bolady. Biraq juldyzdy jańbyrdy bultsyz aýa-raıynda ǵana kórýge bolady. Sondyqtan, qalalyq jaryqtyń áserinen qala ishinde turǵyndar bul qubylysty kóre almaıdy. Almatylyqtarǵa Qapshaǵaı nemese taýǵa barýdy usynar edim. Onda kóbinese aspan bultsyz bolady. Ádette adamdar kelip, kilemshelerdi jaıyp, shatyrlar tigip, «Juldyzdy jańbyrdy» tamashalap otyrady», deıdi Aleksandr Gýbert.
Sarapshy atap ótkendeı, meteorıt aǵynyn baqylaý úshin teleskop nemese bınokl qajet emes.
