«Birinshi, ákimdikter bıznes sýbektileriniń ústeme aqylar men shekti baǵalardan asyp ketýine jol bermeýge monıtorıng pen baqylaýdy kúsheıtýdi, sondaı-aq óńir turǵyndaryna belgilengen shekti baǵalar týraly habardy der kezinde jetkizýdi tapsyrýdy suraımyn», dedi mınıstr.
Ekinshi, áleýmettik-kásipkerlik korporasııalar arasynda taýar jetkizý jóninde naqty óńiraralyq kooperasııany qamtamasyz etý qajet. Bul rette Aýyl sharýashylyǵy mınıstrligi turaqtandyrý qorlaryna taýarlardy ózara jetkizýdi júzege asyrýǵa múmkindik beretin Erejelerge ózgerister engizý kerek bolady.
Úshinshi, qyrkúıek pen jeltoqsan aralyǵynda shekaralas elder tarapynan kókóniske degen suranystyń artýy baıqalady. О́nimniń baqylaýsyz elden shyǵarylýy oryn alǵan jaǵdaıda, osy taýarlar eksportyn kvotalaýdy engizý qajet.
Tórtinshi, kókónis pen jemis-jıdek qoımalarynyń fızıkalyq jáne moraldyq turǵydan eskirgenin eskere otyryp, ınvestısııalyq sýbsıdııalaý normasyn 25%-dan 50%-ǵa deıin ulǵaıtý qajet. Bul Úkimettiń keńeıtilgen otyrysynda Memleket basshysy bergen tapsyrmany oryndaý aıasynda qajet jáne bıznesti yntalandyrýǵa, egindi jetkilikti mólsherde saqtaýǵa jáne baǵanyń kúrt kóterilýine jol bermeýge múmkindik beredi.
