«Azamattyq avıasııa salasyn basqarýdyń jańa modeline kóshý jónindegi Ult josparynyń 68-qadamyn iske asyrý sheńberinde QR IIDM Azamattyq avıasııa komıteti Qazaqstannyń avıasııalyq ákimshiligimen birlesiken jumysy IKAO tarapynan joǵary baǵalandy. Osylaısha, 2021 jyldyń 2-11 tamyz aralyǵynda ushý qaýipsizdigine qatysty júrgizilgen IKAO tekserýiniń aldyn ala nátıjeleri boıynsha Qazaqstan IKAO standarttaryna sáıkestiktiń ortasha álemdik deńgeıinen 15% asyp, 84% jetti», dep habarlandy mınıstrlikten.
IKAO standarttaryna sáıkestiktiń artýy kelesi salalarda tirkeldi:
- Negizgi avıasııalyq zańnama (LEG) 61%-dan 81%-ǵa deıin;
- Azamattyq avıasııa uıymy (ORG) 37%-dan 75%-ǵa deıin;
- Aeronavıgasııalyq qyzmet kórsetý (ANS) 87%-dan 95%-ǵa deıin;
- Áýeaılaqtar jáne jerdegi qyzmet kórsetý (AGA) 56%-dan 90%-ǵa deıin;
- Avıasııalyq oqıǵalar men ınsıdentterdi tekserý (AIG) 47%-dan 53%-ǵa deıin.
Osylaısha, Qazaqstan Eýropalyq ushý qaýipsizdigi agenttigine (EASA) múshe elderdiń IKAO standarttaryna sáıkestiginiń ortasha deńgeıine qol jetkizip otyr.
«Qazirgi ýaqytta osy kórsetkish boıynsha biz kóptegen eýropalyq elderden joǵary ornalasyp otyrmyz jáne Nıderlandy – 87%; Belgııa – 87%; Portýgalııa – 87%; Chehııa – 87%; Latvııa – 86%; Danııa – 85%; Islandııa – 84%; Polsha – 84%; Slovenııa – 82%, Kıpr - 82% sııaqty eýropalyq eldermen qatar turmyz. Nátıjeler jaqyn arada IKAO saıtynda resmı túrde jarııalanady jáne barlyq memleketterge qoljetimdi bolady», dep jazady QR IIDM.
