Kezdesýde megapolıstiń áleýmettik-ekonomıkalyq damýyna, densaýlyq saqtaý salasyna jáne turǵyn úı qurylysyna qatysty máseleler kóterildi. Senat depýtattary atalǵan máselelerdiń ózektiligine nazar aýdaryp, muqııat zerdelegennen keıin olardy zańnamalyq deńgeıde sheshýge yqpal etetinderin jetkizdi.
Sonymen qatar senatorlar «Nurly jol» memlekettik baǵdarlamasy aıasynda qurylǵan kólik-logıstıkalyq kompanııasynyń jumysymen tanysty. Bul joba Shymkentte jalpy temperatýrasy men rejimdi baqylaý múmkindigi bar zamanaýı qoımalar salýǵa jol ashty. Budan basqa, kásiporyn aýmaǵynda kedendik resimdeý, fıtosanıtarlyq jáne veterınarlyq baqylaý aımaǵy ornalasqan.
Senat depýtattary mundaı jobalardy iske asyrýdyń mańyzy zor ekenin aıtyp, onyń óńir ekonomıkasyna jáne tasymaldaý áleýetin arttyrýǵa aıtarlyqtaı úles qosatynyn, sondaı-aq jańa jumys oryndaryn ashýǵa úlken múmkindik ekenin tilge tıek etti.
