Bas memlekettik sanıtarııalyq dáriger E.Qııasovtyń baıandamasyn tyńdaǵannan keıin vıse-premer qabyldanyp jatqan sharalar eldegi epıdemııalyq jaǵdaıdy turaqtandyrýǵa yqpal etetinin atap ótti.
Búgingi tańda ınfeksııalyq tósektik oryndardyń tolymdylyǵy 55%-dy, reanımasııalyq tósektik oryndardyń júktemesi 47%-dy quraıdy. Bul rette E.Toǵjanov birqatar óńirde, atap aıtqanda, Nur-Sultan, Shymkent qalalarynda, Mańǵystaý, Atyraý, Soltústik Qazaqstan oblystarynda halyqty vaksınamen qamtý jumysynyń belsendiliginiń tómen ekenin alǵa tartty. Sondaı-aq ol Aqmola, Mańǵystaý, Atyraý jáne Qostanaı oblystarynda turǵyn úı aýlalaryn aralaý arqyly halyq arasynda ekpe jumystarynyń uıymdastyrylmaǵanyn atap ótti. Osyǵan baılanysty Premer-Mınıstrdiń orynbasary anyqtalǵan kemshilikterdi túzetý boıynsha tıisti sharalar qabyldaýdy tapsyrdy.
Sonymen qatar memlekettik organdarǵa 2021-2022 jyldarǵa arnalǵan COVID-19-ǵa qarsy is-qımyl jónindegi jedel is-qımyl josparyn ázirleý, qyzmet kórsetý salasynda vaksına almaǵan qyzmetkerlerdi anyqtaý jónindegi monıtorıngtik toptardyń is-qımyl algorıtmin bekitý jóninde tapsyrmalar
berildi.
