Taraptardyń kelisimine sáıkes, OZON óz klıentteriniń tapsyrystaryn Reseıden «Qazposhtanyń» suryptaý ortalyqtaryna jetkizedi. Odan keıin ulttyq poshta operatory sálemdemelerdi elimizdiń qalalary men aýyldaryna joldaıdy. Sálemdemeler Qazaqstan aýmaǵyndaǵy 2 myń poshta bólimshesi arqyly beriledi. Yńǵaıly poshta bólimshesin klıenttiń ózi tapsyrys berý barysynda tańdaı alady.
– Biz álemdegi ózgerister men klıentterdiń suranysyn eskeremiz. Pandemııa buryn bastalǵan prosesterdi damyta tústi. Máselen, elektrondy saýda men onlaın-servısterdiń belsendiligi artty. Bul baǵytta ınfraqurylymy keń jáne qalyptasqan logıstıkalyq tizbegi bar «Qazposhta» da jaqsy damyp keledi. Elektrondy saýdany damytý jáne klıentterge qolaıly jaǵdaı jasaý maqsatynda otandyq jáne sheteldik elektrondy saýda alańdarymen áriptestik ornattyq. Iri marketpleısterdiń birine aınalǵan OZON kompanııasymen de seriktestigimiz jemisti bolatynyna senemiz, – deıdi «Qazposhta» AQ basqarma tóraǵasy Qanat Alpysbaev.
«Qazposhta» dástúrli qyzmetter tizimin saqtaı otyryp, suranysqa ıe jańa servısterdi engizýde. Onyń ishinde kompanııa elektrondy saýdany damytý úshin otandyq ınternet dúkenderge О́zbekstanǵa baǵyttalǵan poshta jóneltilimderin jetkizýdi, júk tasymaldaýdy, fýlfılment-ortalyqtar qyzmetterin iske qosýdy qolǵa aldy. Sondaı-aq klıentterge keshbek-servıster men Post.kz saıtyndaǵy «Marketpleıster sóresi» arqyly tıimdi onlaın-satyp alýdy, tapsyrystardy elimizdiń eń shalǵaı aýyldaryna deıin jetkizýdi usynyp otyr.
– «Qazposhtamen» yntymaqtastyq ornatý Qazaqstan boıynsha klıentter úshin jetkizý sharttaryn jedel jaqsartýǵa múmkindik beredi. Endi respýblıkanyń eń shalǵaı óńirlerindegi klıentter OZON-daǵy tapsyrystaryn úıine jaqyn bólimsheden ala alady. Logıstıkany odan ári damytý bizge OZON-daǵy mıllıondaǵan taýardy Qazaqstanǵa jetkizý merzimin birneshe ese qysqartýǵa jol ashady, – deıdi OZON kompanııasynyń halyqaralyq bıznes jónindegi dırektory Stepan Gýsamov.
