Qaýipsizdigi barynsha tómen ES-166/10 mekemesine sottalǵandar salmaǵy eki gramnan asatyn «kannabıs shaıyry» esirtki zattaryn alyp ótý áreketi anyqtaldy.
Osylaısha, sottalýshy jumys obektisinen oralǵannan keıin, jeke tekserý kezinde tómengi ish kıimnen esirtki zaty bar paket tabyldy, ol ony mekeme aýmaǵyna kirgizbek bolǵan.
Atalǵan fakti boıynsha QR Qylmystyq kodeksiniń 296-baby 2-bóligi «esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» boıynsha qylmystyq is qozǵaldy, osy baptyń sanksııasy 60 AEK mólsherinde aıyppul salýdy ne sol mólsherde túzeý jumystaryn ne 60 saǵatqa deıingi merzimge qoǵamdyq jumystarǵa tartýdy ne 40 táýlikke deıin qamaýǵa alýdy kózdeıdi.
«Sottalǵandardyń esirtki zattaryn, sondaı-aq spırttik ishimdikterdi tutynýynyń aldyn alý boıynsha jumys mekemeniń jedel-rejım qyzmetteriniń erekshe baqylaýynda. Jedel aqparat boıynsha sottalǵandardyń esirtkini qoldanýy men taratýynyń, sondaı-aq mekeme ishindegi basqa da tótenshe oqıǵalardyń aldyn alýǵa bolady», dep túsindirdi mekeme bastyǵynyń orynbasary Nursultan Aıtbekov.
