Saıasat • 19 Tamyz, 2021

О́zara is-qımyldyń bolashaǵy talqylandy

Tashkent qalasynda (О́zbekstan) «Ortalyq jáne Ońtústik Azııanyń ózara baılanysy: alǵysharttar, perspektıvalar, geostrategııalyq mańyzy» taqyrybyna arnalǵan halyqaralyq ǵylymı-tájirıbelik konferensııa ótti, dep habarlady Parlament Senatynyń baspasóz qyzmeti.

Egemen Qazaqstan

О́zbekstan Respýblıkasy Olıı Majlısiniń qoldaýymen uıymdastyrylǵan jıynǵa Qazaqstan Respýblıkasy Parlamenti Senaty Tóraǵasynyń orynbasary Asqar Shákirov qatysty.

Ol óz sózinde Ortalyq jáne Ońtústik Azııa elderiniń saýda-ekonomıkalyq jáne ınvestısııalyq yntymaqtastyǵyn arttyrý qajettigin aıtty. Sondaı-aq vıse-spıker Ortalyq Azııa óńiriniń aıtarlyqtaı áleýetine erekshe nazar aýdardy. Qazirgi tańda 75 mln-nan astam adamdy qamtıtyn óńirdiń jyldyq jalpy jıyntyq ónimi shamamen 300 mlrd AQSh dollaryn quraıdy. Al syrtqy saýda aınalymy 145 mlrd dollardan asady.

Odan bólek, «Bir beldeý jáne bir jol», Transkaspıı halyqaralyq kólik dálizi, Eýrazııalyq ekonomıkalyq odaq sııaqty aýqymdy jobalar aıasynda qalyptasqan Eýrazııanyń ortalyǵyndaǵy kólik ıntegrasııasyna basa mán berildi.

Qazaqstan Prezıdenti Qasym-Jomart Toqaev bıyl 6 tamyzda ótken Ortalyq Azııa memleketteri basshylarynyń konsýltatıvtik kezdesýinde osy máselege toqtalǵan edi. Qazaqstan Prezıdenti sol kezdesýde Ortalyq Azııada kólik kommýnıkasııalaryn damytý aımaq elderiniń ishki jalpy ónimin 15 paıyzǵa ósirýge múmkindik týǵyzatynyn aıtyp, ony asa zor rezerv dep atady.

Sondaı-aq vıse-spıker óńirlik qaýipsizdik problematıkasyna, atap aıtqanda, Aýǵanstandaǵy qazirgi jaǵdaıǵa nazar aýdaryp, bul máselede oń jaǵynan tanylǵan kelissóz alańdaryn belsendi paıdalanýǵa shaqyrdy. «Inklıýzıvti memleket ıdeıasynyń ózektiligi joıylǵan joq. Másele áskerı jolmen sheshilmeıdi. Sondyqtan qarsy taraptar kelissózder júrgizý úshin bir ústeldiń basyna otyrýy kerek», dedi Asqar Shákirov.

Sonymen qatar konferensııa barysynda óńiraralyq ózara is-qımyldy turaqty damytý máseleleri sóz boldy. Ol úshin óńir elderiniń saıası-dıplomatııalyq, saýda-ekonomıkalyq jáne mádenı-gýmanıtarlyq yntymaqtastyǵyn arttyrýdyń, osy baǵyttaǵy tıimdi tetikterdi ázirleýdiń mańyzy zor ekeni aıtyldy.

Jıynǵa qatysýshylar densaýlyq saqtaý jáne bıoqaýipsizdik máselelerin de talqylady. Bul baǵytta bolashaqta bıologııalyq qaýipterdiń aldyn alýǵa jáne qaýipti aýrýlar týraly málimetter almasýǵa yqpal etetin Halyqaralyq bıologııalyq qaýipsizdik jónindegi agenttik qurý týraly Qazaqstannyń bastamasy atap ótildi.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz