Jaqynda belgisiz bireýlerdiń shabýylyna ushyraǵanyna qaramastan, Taılandtyń oppozısııalyq kúshteri úkimettiń otstavkaǵa ketýin talap etip, kúndelikti narazylyq sherýine shyǵýda. Bul týraly ITAR-TASS habarlady.
Búgin ereýilshiler Bangkoktyń ortalyq kóshelerimen taǵy da júrip ótti. Olardyń qataryna Taıland medıkteri kásipqoı birlestiginiń músheleri de qosyldy. Ústilerine aq halat kıgen jergilikti aýrýhanalardyń dárigerleri men medbıkeleri qoldaryndaǵy qyzyl krest salynǵan jalaýlaryn jelbiretip, kóshege shyqty.
Qala ishinde narazylyq sherýin oppozısııa lıderi Sýtep Taýgsýban bastap júrdi. Oǵan eki aı buryn memlekettik satqyndyq jasady degen aıyp taǵylyp, qamaýǵa alý jóninde order shyǵarylǵan bolatyn. Alaıda, Taıland bıligi áli kúnge deıin oppozısııa jetekshisin qamaýǵa alý úshin eshbir shara qoldanbaı keledi.
Aıdar О́risbaev.
Derekkóz: Itar-tass.com
Foto: Ria.ru
