«О́tken jylǵy» sanatyndaǵy qylmystardy ashý Aqmola oblysy PD erekshe baqylaýynda. Máselen, Kókshetaý qalalyq PB krımınaldyq polısııa qyzmetkerleri respýblıkalyq «Avtomobıl» jedel aldyn alý is-sharasyn ótkizý barysynda SQO oblysynyń turǵynyna tıesili «Dodge Magnum» markaly avtokólikti aıdap áketý faktisi boıynsha ótken jyldardaǵy qylmysty ashty.
2019 jylǵy 11 maýsymda Kókshetaý qalasynyń ÝP-ǵa Soltústik Qazaqstan oblysynyń turǵyny túngi ýaqytta belgisiz tulǵa TSQ-nyń turaq aımaǵynan avtokóligin aıdap áketkenin aıtyp, aryzdanǵan. Shyǵyn somasy 4 mln. teńgeni qurady.
«Avtomobıl» jedel-izdestirý is-sharalaryn júrgizý barysynda polısııa qyzmetkerleri Kókshetaý qalasynyń 32 jastaǵy turǵynyn ustady. Qylmys jasalǵan túni 2019 jyldyń 11 maýsymyna qaraǵan túni kúdikti TSQ qyzmetkeri mas kúıinde avtokólikti aıdap áketip, 30 mınýt boıy qala ishinde júrgen. Keıin avtomobıldiń aqaýlyǵyna baılanysty kólikti Kókshetaý qalasynan Zerendi aýdanyna shyǵar jolda qaldyryp ketken. Atalǵan fakti boıynsha QR QK-niń 200-baby 1-bóligi (Avtomobıldi zańsyz ıelený) boıynsha sotqa deıingi tergeý bastaldy.
