Ekologııa • 19 Tamyz, 2021

Almatyǵa kiretin joldarǵa 19 ekopost qoıylady

124 ret kórsetildi

Almaty qalasynyń Jasyl ekonomıka basqarmasynyń basshysy Natalıa Lıvınskaıanyń aıtýynsha, ekoposttar arnaıy qondyrǵylarmen – gaz analızatorlary men tútin ólsheýishpen jabdyqtalǵan, dep habarlaıdy Egemen.kz.

N.Lıvınskaıa atap ótkendeı, megapolıstegi aýany negizgi lastaýshy – avtokólik, stasıonarlyq kózder jáne jeke sektor.

Onyń aıtýynsha, zalaldy shyǵyndar 128 myńnan 70 myń tonnaǵa deıin tómendegen. Al jeke sektordan 16 myńnan 1 myń tonnaǵa deıin.

Sonymen birge stasıonarlyq kózderden shyǵatyn qaldyqtardyń ósýi baıqalady, bul kórsetkishter JEO-2 jumysymen baılanysty.

«Barlyq qalalyq avtobýstardy gaz ben elektr energııasyna kóshirý jumystary bastaldy. Mysaly, 2020 jyly gazben júretin 150 avtobýs satyp alyndy. Al bıyl gaz ben elektr energııasyn paıdalanatyn qoǵamdyq kólikterdiń 500-ge jýyq birligin satyp alý josparlanyp otyr», dedi Jasyl ekonomıka basqarmasynyń basshysy.

Onyń ústine, N. Lıvınskaıanyń aıtýynsha, Almatyda tirkelgen kólikterdiń jalpy sanynan avtobýstardyń úlesi 1 paıyzǵa da jetpeıdi. Sondyqtan onyń pikirinshe, jeke kólikterdi júıeli túrde jańartyp, kólikteri aqaýly jáne qorshaǵan ortaǵa zııandy avtokólik ıelerine shara qoldaný qajet.

«Almatyda qalanyń kireberisterine 19 ekologııalyq post ornatý boıynsha jumys júrgizilýde. Búgingide 9 ekologııalyq post quryldy, qalǵan 10 post osy jyldyń kúzine deıin birtindep ornatylady», dedi N.Lıvınskaıa.

Aıta keterligi, kóktemde qala boıynsha qozǵalatyn júk vagondarynyń ólshemderi alyndy. Tekserý nátıjeleri kórsetkendeı, qalalyqtardyń 11%-y jáne qalaǵa kiretin kólikterdiń 12,6%-y ekologııalyq normalardy saqtamaıdy.

Sonymen qatar Jasyl ekonomıka basqarmasy lastaýshy avtokólikterdi qala boıynsha qozǵalys kezinde anyqtaıtyn úsh mobıldi posty jáne zerthana satyp alýdy josparlap otyr. Qazirgi ýaqytta konkýrstyq prosedýralar júrip jatyr, jetkizý osy jyldyń sońyna josparlanǵan.

Tehnıkalyq retteý jáne metrologııa departamenti qalada satylatyn otynnyń sapasyn baqylaý jumystaryn bastady. Sondaı-aq avtokólikterdi tehnıkalyq baıqaýdan ótý tártibin qatańdatý boıynsha sharalar qabyldanýda.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar