Qazaqstan táýelsizdik alǵan jyldary ishinde syndarly kezeńdi bastan keshirdi. Eldiń ekonomıkasyn damytý maqsatynda jańa baǵdarlamalar qabyldandy. Osy jumystardyń sabaqtasy retinde jaqynda Memleket basshysy Nursultan Nazarbaev «Qazaqstan joly – 2050: Bir maqsat, Bir múdde, Bir bolashaq» atty Qazaqstan halqyna Joldaýyn jarııalady. Bul týraly Egemen.kz tilshisi habarlady.
Bizge habarlasqan oqyrmandar jáne olardyń elimizdiń buqaralyq aqparat quraldary ókilderine bergen suhbattarynda Elbasymyzdyń joǵaryda atalǵan Joldaýyna jyly lebizin bildirdi. Eldi bir maqsatqa úndeıtin, jańǵyrýdyń sara joly – «Qazaqstan-2050» Strategııasyn Basty qujat retinde qabyldap, birigip kúsh biriktirýge nıet bildirip otyr.
Beıbit Mamyraev, H. Dosmuhamedov atyndaǵy Atyraý memlekettik ýnıversıtetiniń rektory:
Elbasy ádettegideı óziniń Joldaýynda áleýmettik salaǵa zor nazar aýdardy. Onyń ishinde qoǵamnyń ártúrli satylary bar. Ǵalymdar, stýdentter, oqýshylar bolsyn, zeınetkerler men jumyskerler bolsyn degendeı qoǵamnyń ár múshesi bolashaqta óziniń damý joldaryn osy Joldaýdan aıqyn kóre alatynyna senimdimin. Árıne, aldymyzdaǵy basty maqsat – damyǵan 30 eldiń qataryna qosylý. Ol aınalyp kelgende ómirdiń sapasyn joǵary kóterý.
Saǵyndyq Jumádil, akter:
Ár óner ujymy án aıtsaq ta, qoıylym qoısaq ta, «Máńgilik el» taqyrybyna baılanystyryp, jas urpaqty patrıotızmge baýlýymyz kerek dep oılaımyn. Eń bastysy, Kóshbasshymyz óziniń Joldaýynda osy baǵdardy aıqyndap kórsetip berdi. Endi tek qana soǵan at salysyp, jumys jasaýmyz tıis.
Aleksandr Mashkevıch, Eýrazııalyq óndiris tobynyń basshysy:
Memleket basshysynyń Joldaýynda shaǵyn jáne orta bıznestiń qýattylyq dárejesin arttyrýǵa qatysty aıtylǵan taraý bar, ony oryndaýǵa daıynbyz. Sondyqtan bolashaqqa senimdilikpen qaraımyz. Bizde alıýmınıı klasterin damytýǵa zor qyzyǵýshylyq týyndap otyr. Ol elimizge qosymsha kiris ákeledi.
Álııa Iýsýpova, kórkem gımnastıkadan ulttyq quramanyń bas bapkeri:
Maǵan Joldaýda qamtylǵan barlyq máseleler unady. Sonyń ishinde balalar baqshasy da nazardan qaǵys qalǵan joq. Bul rette jańa balalar baqshasy paıdalanýǵa berilse, úıinde kóp balasy bar analarǵa óte jaqsy kómek dep oılaımyn. О́ıtkeni, ol jerde balǵyndardyń tanym-túsinigi keńeıedi. Sportpen aınalysýyna da múmkinshilik bar.
Jamal Jaqsylyqqyzy, Astana qalasyndaǵy №4 emhananyń aǵa meıirbıkesi:
Prezıdentimiz ár jylǵy Joldaýynda halqymyzdyń densaýlyǵyna qatysty máseleni kóterip keledi. Bul joly mindetti medısınalyq saqtandyrýdy engizýdi zertteý qajettigin atap ótti. Árbir azamat sportpen shuǵyldanyp, durys tamaqtansa, profılaktıkalyq tekserýden aldyn ala ótse, aýrýdyń aldyn alǵan bolar edi. Saıyp kelgende, densaýlyqty kútý ózimizge baılanysty der edim.
Daıyndaǵan: Ámirhan Almaǵanbetov.
Derekkóz: Egemen.kz, «Habar» telearnasy.
Foto: Aqorda. kz.
