Ekonomıka • 20 Tamyz, 2021

Tarıfti tejeý – tutynýshylardy demeý

62 ret kórsetildi

Jyl basynda 106 tabıǵı monopolııa sýbektisi tutynýshylarǵa arnalǵan tarıfterdi 63 paıyzǵa kóterýdi josparlaǵan edi. Alaıda bul iske Tabıǵı monopolııalardy retteý komıteti aralasyp, tarıfterdiń ósýi aıtarlyqtaı tejeldi.

Komıtet tóraǵasynyń mindetin atqarýshy Ashat Japsarbaıdyń aıtýynsha, vedomstvo osy jyl­dyń birinshi toqsanynyń sońyna deıin tarıfterdi tejeý úshin birqatar sharany qol­ǵa alǵan. Atap aıtqanda, ýaqyt­sha ótemdik tarıfterdi engizý, tabıǵı monopolııa sýbekti­leriniń ınvestısııalyq baǵdarla­ma­larynyń mańyzdy emes is-sharalaryn qysqartý, tarıfti saralaý arqyly halyqqa salynatyn júktemeni tómendetý jumystary júrgizilgen. Osylaısha, 2021 jyly tarıfterdiń ósýi ortasha eseppen 0,4 paıyzǵa tejelgen.

– Joǵaryda atalǵan sharalar 2020 jyldan 2021 jylǵa kóshý kezinde halyq úshin tarıfterdiń kóterilmeı, sol kúıi saqtalýyn qam­ta­masyz etýge, sondaı-aq 2021 jyl­ǵy birinshi toqsannyń sońyna deıin halyqqa arnalǵan tarıf­terdiń bir deńgeıin saqtaý­ǵa múmkindik berdi, – dedi A.Jap­sar­baı.

2019 jyly el Prezıdenti tarıf belgildeýdiń ashyqtyǵyn, turǵyn úı-kom-
mýnaldyq sharýashylyq sala­syndaǵy tabıǵı monopolııa sýbektileriniń tutynýshylardyń qarajatyn maqsatty paıdalanýyn baqylaýdy, sondaı-aq kom­mýnaldyq qyzmetterdiń tıim­diligin arttyrýdy tapsyrǵan bo­latyn. Soǵan sáıkes arnaıy sharalar kesheni qabyldandy.

– Tabıǵı monopolııa sýbek­ti­leriniń qyzmetine baqylaýdy kúsheıtý maqsatynda memlekettik jáne jergilikti atqarýshy organdarmen 21 memorandým jasaldy. Olardyń satyp alý jumystaryna taldaý júrgizildi. «Tabıǵı monopolııalar týraly» zańǵa satyp alýdy júzege asyrý rásimderin tolyǵymen elektrondy formatqa kóshirýdi kózdeıtin túzetýler ázirlendi. Tarıf belgileýdiń ashyqtyǵyn jáne halyqpen keri baılanysty qamtamasyz etý maqsatynda tabıǵı monopolııa salalarynda tarıftik retteý máseleleri jónindegi óńirlik komıssııalar quryldy. Kommýnaldyq qyz­met­terge negizdelgen tarıf­ter engizildi. Nátıjesinde, turǵyndardyń 27 mlrd teńgesi únemdeldi, – deıdi Tabıǵı monopolııalardy retteý komıteti tóraǵasynyń mindetin atqarýshy.

Turǵyn úı-kommýnaldyq sharýa­­shylyq salasynyń sýbek­tileri 2021-2025 jyldary 966,6 mlrd teńge kólemindegi ın­ves­tısııalyq baǵdarlamalardy jú­ze­ge asyrmaq. Salaǵa salyna­tyn ınvestısııa apattar sanyn 11 paıyzǵa tómendetýge múm­kindik bermek. Sondaı-aq negizgi jabdyqtardyń tozý kór­set­kishin ortasha eseppen 6 pa­ıyz­ǵa deıin azaıtpaq. Budan bólek normatıvtik-tehnıkalyq shyǵyndar 1,5 paıyzǵa kemise, ákimshilik-basqarý jáne óndiristik personaldyń jalaqysy 20 pa­ıyzǵa deıin ósedi dep kútilýde.

– Komıtet tabıǵı mono­polııa­­lar salasyndaǵy zańna­many buzǵany úshin 2020 jyly 1,006 mlrd teńge mólsher­in­de ákimshilik aıyppul sala otyryp, ákim­­shilik quqyq buzýshylyq týraly ister boıynsha 412 qaýly shyǵardy. Onyń ishinde memleket paıdasyna 631,2 mln teńge óndirildi. 2021 jyldyń birinshi jartyjyldyǵynda 332,8 mln teńge ákimshilik aıyppul salynyp, memleket bıýdjetine 173,7 mln teńge tústi. Sondaı-aq memlekettik baqylaýdy júzege asyrý sheńberinde byltyr zań­na­madaǵy buzýshylyqtardy joıý týraly 390 uıǵarym engizildi. Onyń 244-i oryndaldy. Al osy jyldyń birinshi jartyjyldyǵynda 270 uıǵarym engizildi, – dedi A.Japsarbaı.

Osy jyldyń 1 sáýirinen bastap Ener­getıka mınıstrligi ortasha 15 paıyz­dyq ósimmen 37 energııa óndirýshi uıym­nyń tarıfin bekitkenin bilemiz. Bul túp­kilikti tutynýshyǵa arnalǵan elektr­men jabdyqtaý baǵasyna, jylýmen jáne sýmen jabdyqtaý tarıfterine mýltı­plıkatıvtik áser etti. Atap aıtqanda, res­pýblıka boıynsha elektrmen jabdyqtaý baǵasy ortasha eseppen 12,5 paıyzǵa ósti. Al halyqqa arnalǵan baǵanyń ósýi ortasha eseppen 10 paıyzdy qurady.

Sondaı-aq osy jyldyń 1 shildesinen bastap Energetıka mınıstrligi jańartylatyn energııa kózderin paıdalanýdy qoldaýǵa ústemeaqy engizdi. Osyny eskere otyryp, energııa óndirýshi uıymdar tarıfterin ortasha eseppen 7,2 paıyzǵa ósirdi. Bul túpkilikti tutynýshyǵa baratyn elektr energııasynyń baǵasyn 3,5 paıyzǵa qymbattatýy múmkin.

Sońǵy jańalyqtar

Túıtkili kóp turǵyn úı

Saıasat • Keshe

Jas sarapshylar taldaýy

Saıasat • Keshe

Ketigin tapqan kásiporyn

Ekonomıka • Keshe

Aıan týraly baıan

Rýhanııat • Keshe

Úzdikter anyqtaldy

Fýtbol • Keshe

Fransııa – pleı-offta

Fýtbol • Keshe

Aıazdaǵy apat

Aımaqtar • Keshe

Arheolog asýlary

Qoǵam • Keshe

Uqsas jańalyqtar