Alaıaq joǵary oqý ornyna túsýge kómektesý úshin aqsha alyp, qashyp ketken. Polıseılerdiń habarlaýynsha, oqıǵa tamyz aıynda bolǵan. Ol turǵynnan 42 500 teńge alǵan. Alaıda, ýádesinde turmaǵan. Belgili bolǵandaı áıel ótken jyly da osyndaı áreketke barǵan.
2020 jyldyń shilde aıynda JOO-ǵa túsýge kómek kórsetý úshin aýyl turǵynynan 152 myń teńge alǵan. Qúdikti kelinshek kinásin moıyndady.
«Atalǵan fakti boıynsha Qylmystyq kodekstiń 190-baby 3-bóligi 4-tarmaǵy (alaıaqtyq) boıynsha sotqa deıingi tergeý bastaldy. О́zge aqparat tergeý múddesine baılanysty jarııalanbaıdy», dep habarlady oblystyq polısııa departamentiniń baspasóz qyzmeti.
