Jaldamaly páterlerde turyp, Telegram messendjeri arqyly «skorost» jáne «mef» dep atalatyn psıhotroptyq zattardy satýmen aınalysqan 18 jáne 25 jastaǵy áıelder toby quqyq qorǵaý organdarynyń nazaryna tústi.
Jalǵyzbasty ana óziniń zańsyz áreketin maýsym aıynda bastaǵan. Biraz ýaqyttan keıin onyń ápkesi de osy shemaǵa qosylǵan. Tintý barysynda kúdiktilerden shamamen 2000-nan astam bir rettik doza, ıaǵnı 700 gramm sıntetıka tárkilendi. Olardyń «qara naryqtaǵy» baǵasy 11 mıllıon teńgeden asady.
Balalar áıeldiń jaqyn týystaryna tapsyryldy.
«Tárkilengen sıntetıkalyq esirtkiniń jalpy salmaǵy shamamen 700 grammdy qurady. Kúdiktilerge qatysty QR QK 296 jáne 297 baptary boıynsha sotqa deıingi tergeý júrgizilýde, olardyń sanksııalary 15 jylǵa deıin bas bostandyǵynan aıyrýdy kózdeıdi», dedi ShQO polısııa departamenti bastyǵynyń orynbasary Talǵat Shaıahmetov.
