Sport • 24 Tamyz, 2021

Qurban Berdyev «Qaırattyń» bas bapkeri bolyp taǵaıyndaldy

70 ret kórsetildi

Qurban Berdyev «Qaırat» fýtbol klýbynyń bas jattyqtyrýshysy boldy, dep habarlaıdy Egemen.kz FK-nyń resmı saıtyna silteme jasap.

Qurban Bekıevıch Berdyev 1952 jyly 25 tamyzda Túrikmenstan astanasy Ashhabad qalasynda týǵan. Sporttyq mansabynda jartylaı qorǵaýshy, keıde qorǵaýshy pozısııalarynda óner kórsetti. Fýtbolmen 1959 jyly Ashhabadta aınalysa bastaǵan.

«Kolhozchı», SKA (Dondaǵy Rostov) jáne «Rostselmash» sııaqty komandalar sapynda oınady. 1977, 1981-1985 jyldary jáne 1993 jyly «Qaırat» FK fýtbolshysy boldy. Almatylyq klýb quramynda barlyǵy 175 match ótkizip, 34 gol soqty. Bapkerlik mansabyn Jambyldyń «Hımık» sapynan bastady. Sodan keıin «Qaıratta» Baqtııar Baıseıitovtiń kómekshisi bolyp, komandany alǵashqy chempıondyq ataqqa alyp keldi.

«Qaırattan» keıin túriktiń «Genchlerbırlıgyn» jattyqtyrýǵa ketti, biraq 1994 jyly almatylyq komandaǵa bas bapker retinde qaıta oraldy. Bir jyldan keıin komandadan ketip, «Munaıshy», «Nısa», Túrikmenstan quramasyn, reseılik «Krıstall», «Rýbın» jáne «Rostov» komandalaryn jattyqtyrdy. Joǵaryda atalǵan komandalarmen Túrikmenstan men Reseı chempıonattaryn, kýboktary men sýperkýboktaryn jeńip aldy.

«Rostov» pen «Rýbın» bapkeri bola otyryp, kári qurlyq týrnırlerinde Eýropanyń úzdik komandalarynan birneshe ret basym tústi. Bıylǵy 27 mamyrdan bastap Qurban Berdyev «Qaırat» FK baqylaý keńesi tóraǵasynyń keńesshisi laýazymynda eńbek etti. Mamanmen kelisimshart jyl sońyna deıin eseptelgen, eki jylǵa uzartý múmkindigi bar.

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar