Búginde Jetisý óńirinde bul jumys 3 baǵyt boıynsha júrgizilýde. Birinshi baǵyt – áleýmettik jelidegi paraqshalar men YouTube kanalynda qarsy nasıhat, aqparattyq túsindirý jumystaryn júrgizý bolsa, kelesisi – destrýktıvti sıpattaǵy kontent qoldanýshylarymen baılanys. Al úshinshi baǵyt – «Kıberqadaǵalaý» júıesi arqyly zańǵa qaıshy, destrýktıvti sıpaty bar kontentterdi buǵattaý.
Bul baǵytta oblystyń Din isteri basqarmasynyń jáne oǵan qarasty qurylymdyq ortalyqtardyń Facebook, Vkontakte, Instagram, áleýmettik jelilerindegi «Din isteri ortalyǵy», dinisteri_almobl jáne 17
aýdan, 3 qaladaǵy mamandardyń resmı paraqshalarynda Úou tube kanaldarynda jyl basynan 8800 materıal jarııalanǵan. Onyń 495-i maqala, 855-i beınebaıan, 183-i demotıvator, 7265-i aqparattyq materıal.
Oblystyq Din isteri basqarmasynyń basshysy Baýyrjan Nıettiń aıtýynsha, jyl basynan oblystyq «Jetisý» telearnasy alańynda «Nur-Múbárak» ýnıversıteti janyndaǵy «Ekstremızmge qarsy is-qımyl ortalyǵynyń» dırektory Tımýr Núsiphanulynyń júrgizýimen «Búgingi din» avtorlyq rýhanı-tanymdyq baǵdarlamasy túsirilip, kórsetilýde. Búginge deıin atalǵan baǵdarlamaǵa suhbatqa «Nur-Múbárak» ýnıversıtetiniń prorektory Q.Qurmanbaev, Ábý Hanıfa ǵylymı-zertteý ortalyǵynyń zerteýshi-ǵalymy A.Ádilbaev, Fılosofııa ǵylymdarynyń kandıdaty, dosent J.Sandybaev, Nur-Múbarak EIMÝ-niń oqytýshysy, Islamtaný ǵylymynan PhD Asqar Ákimhanov, burynǵy Bas múftı Rátbek qajy Nysanbaıuly syndy din salasynyń qaıratkerleri shaqyrylǵan.
Sondaı-aq qurylymdyq ortalyqtyń jeke stýdııasynda bekitilgen josparǵa sáıkes «Nur-Múbárak» ýnıversıtetiniń ustazdaryn, professorlyq quramyn, RATT múshelerin «Dinsaqshy» baǵdarlamasyna tarta otyryp túrli taqyryptardy qamtyǵan 26 túsirilim júrgizilip, áleýmettik jelilerdegi paraqshalarǵa júktelgen. Úsh jyl qatarynan óńirge belgili jýrnalıst Jumahmet Jaılaýbaıdyń jeke avtorlyq jumysy aıasynda «Ǵıbrat» baǵdarlamasy turaqty jumys istep keledi. Atalǵan baǵdarlamaǵa sáıkes 11 taqyryptyq túsirilim jasalyp, barlyq resmı paraqshalar arqyly turǵyndar nazaryna usynylýda.
Basqarma tarapynan óz menshigindegi 2416 kitap qory bar jeke kitaphanany Bookscan modýli arqyly onlaın formatta oqyrmanǵa usyný jumystary júrgizilýde.
Júrgizilgen monıtorıng jumystarynyń nátıjesinde Instagram áleýmettik jelisinde teris dinı aǵymdardyń ıdeologııasyna qyzyǵýshylyq tanytqan 38 581 ǵalamtor tirkelýshisi anyqtaldy. Al «VKontakte» áleýmettik jelisinde dál osyndaı toptarǵa tirkelgen 32 217 adam 2020 jyldyń basynda anyqtalǵan bolsa, júrgizilgen jumys nátıjesinde búgingi kúni olardyń sany 15 416 adamǵa, ıaǵnı 52,3% deıin azaıdy.
– «VKontakte» áleýmettik jelisindegi jeke paraqshalarda destrýktıvti dinı aǵym ıdeologııasyn belsendi túrde nasıhattaǵany úshin oblystyń 4 azamatyna Ákimshilik quqyq buzýshylyq týraly kodekstiń 453 baby, 2 tarmaǵyn buzý faktileri boıynsha 20 aılyq eseptik kórsetkish mólsherinde jalpy sommasy 232 000 tenge aıypul salyndy. Budan bólek, basqarma tarapynan taǵy 7 azamattyń jeke paraqshasy baqylaýǵa alynyp, tıisti saraptama qorytyndysyn alý maqsatynda Din isteri komıtetine qujattar joldandy. Saraptama qorytyndysyna saı ákimshilik is qozǵaý kózdelýde, – deıdi Baýyrjan Nıet.
Búgingi kúnge deıin, «Kıberqadaǵalaý» júıesi arqyly mamandar tarapynan áleýmettik jelilerdegi teris ıdeologııany nasıhattaýshy 7869 materıal men silteme anyqtalyp, saraptamaǵa jiberilgen. «Kıberqadaǵalaý» júıesine silteme júkteý qarqyny boıynsha Almaty oblysy Din isteri basqarmasy respýblıka boıynsha jaqsy kórsetkishke qol jetkizip otyr.
