Kezdesý aıasynda jobanyń qazir qandaı deńgeıde júzege asyrylyp jatqany, sonyń ishinde Ulttyq Banktiń sıfrlyq valıýtany ázirleýde tehnologııalyq arhıtektýra men álemdik trendterdi qalaı qoldanyp jatqany tanystyryldy.
Tehnologııa men tólem júıesi qatar damyp jatqanyn eskersek, sıfrlyq teńge qoldanystaǵy qolma qol jáne qolma qol emes tólem júıelerine qosymsha retinde jańa tólem ınfraqurylymy bola alatyndaı áleýeti bar. Sıfrlyq teńgeni engize ala otyryp, tólem qyzmeti naryǵyndaǵy básekeni arttyrýǵa, qarjy tehnologııasyn damytýǵa jańasha serpin berýge, sondaı-aq aımaqtardaǵy qarjy qyzmetteriniń qoljetimdiligin arttyrýǵa múmkindik týady.
Talqylaý barysynda sıfrlyq valıýta qarjy turaqtylyǵyna qalaı áser etetini, tutynýshylar úshin tólem jasaý qanshalyqty yńǵaıly bolatyny, sondaı-aq táýekelderdi tómendetýdiń joldary talqylandy.
Qarjy naryǵynyń qatysýshylary múddeli taraptardyń barlyǵyn tájirıbede qoldanýǵa bolatyn sheshimderdi izdeý úshin saýalnama men suhbattasýdan ótýge shaqyrdy. Pılottyq jobaǵa naryqtaǵy taraptardyń barlyǵy shekteýsiz qatysa alady. Qazirgi tańda «Sıfrlyq teńge» pılottyq jobasyn júzege asyrýǵa ekinshi deńgeıli 3 bank qatysa bastady.
