Tuńǵysh Prezıdentimiz táýelsizdik alǵan kúnnen bastap, únemi halyqtyń namysyn qaırap, jigerin janyp, árqashanda órkenıetke umtylǵan uzaq merzimdi maqsattar men mindetter qoıyp keledi. Sonyń nátıjesinde elimiz keıbir damyǵan memleketterdiń ózderin súrindirgen aýyr kezeńderden qınalmaı ótip, barshany tańǵaldyrǵan aıtýly tabystarǵa qol jetkizdi. Damýdyń qazaqstandyq úlgisin qalyptastyra otyryp, bedeli bıik, abyroıy joǵary, qýatty memleketke aınaldy.
Tuńǵysh Prezıdentimiz táýelsizdik alǵan kúnnen bastap, únemi halyqtyń namysyn qaırap, jigerin janyp, árqashanda órkenıetke umtylǵan uzaq merzimdi maqsattar men mindetter qoıyp keledi. Sonyń nátıjesinde elimiz keıbir damyǵan memleketterdiń ózderin súrindirgen aýyr kezeńderden qınalmaı ótip, barshany tańǵaldyrǵan aıtýly tabystarǵa qol jetkizdi. Damýdyń qazaqstandyq úlgisin qalyptastyra otyryp, bedeli bıik, abyroıy joǵary, qýatty memleketke aınaldy.
Árıne, búgingideı ǵaryshtyq jyldamdyqpen alǵa basqan ýaqytta bir sátke de kidirip qalýǵa bolmaıdy. Sol úshin Elbasymyz «Qazaqstan-2050» Strategııasyn júzege asyrýdyń joldary men taktıkasyn naqty belgilengen tyń ıdeıalaryn jarııa etip otyr. Bul – eldiń alys bolashaǵyn boljaı biletin, óz halqyna shynaıy qamqorlyq, janashyrlyq jasaı alatyn kemeńger saıasatkerdiń, dara tulǵanyń ǵana qolynan keletin tarıhı is. Elbasy óz Joldaýynda: «Basty maqsat – Qazaqstannyń eń damyǵan 30 memlekettiń qataryna qosylýy. Ol – «Máńgilik Qazaqstan» jobasy, el tarıhyndaǵy biz aıaq basatyn jańa dáýirdiń kemel kelbeti», dep atap kórsetti. Elbasy óz Joldaýynda Qazaqstannyń álemdegi eń damyǵan 30 eldiń qataryna kirý tujyrymdamasyndaǵy jeti basym baǵytty saralap berdi. Jáne damýdyń bul jolyn eki kezeńge bóle otyryp, Úkimet pen Ulttyq Bankke bıylǵy jyly atqarýǵa tıisti taǵy da jeti naqty tapsyrma berdi. Sondyqtan, táýelsiz Qazaqstannyń tarıhynda taǵy bir jańa kezeń bastaldy deýge bolady.
Memleketimizdiń ishki jáne syrtqy saıasatyn naqty aıqyndap, áleýmettik-ekonomıkalyq damýymyzdy tereń de jan-jaqty qamtyǵan bul Joldaý – elimizdiń aldaǵy damý perspektıvalaryn kezeń-kezeńmen belgilep, ótken jyldyń sońynda «Nur Otan» partııasynyń HV sezinde qabyldanǵan Doktrınamen tyǵyz úndesip jatqan jańa saıası baǵdarlama. Elbasynyń Joldaýyndaǵy: «Qazaqstan-2050» Strategııasynyń túp qazyǵy – Máńgilik El. Máńgilik El – ata-babalarymyzdyń san myń jyldardan bergi asyl armany. Ol arman – turmysy baqýatty, tútini túzý ushqan, urpaǵy erteńine senimmen qaraıtyn baqytty El bolý edi», dep atap ótýi eldiń turmysyn jaqsartýǵa, áleýmettik salalardy damytýǵa baǵyttalǵan partııanyń Doktrınasymen tikeleı sabaqtasyp jatyr. Osyny eskere otyryp, Elbasy: «Joldaýdyń maqsattary men mindetterin júzege asyrý jónindegi naqty sharalardan árbir qazaqstandyq habardar bolýy qajet. Bul «Nur Otan» partııasy qyzmetiniń negizgi máseleleriniń birine aınaldy dep senemin», dep atap kórsetti. Demek, bul árbir nurotandyqqa júktelgen zor jaýapkershilik. Oǵan almatylyqtar belsendi atsalysatyn bolady. Nurotandyqtar qazirdiń ózinde jańa Joldaýdy erekshe yqylaspen qabyldap, biraýyzdan qoldaý bildirýde.
Osyǵan deıin «Eń basty strategııa – halyqtyń ál-aýqatyn arttyrý» degen aıqyn formýlamen ilgerilep kele jatqan jas memleketimizdiń saıası reformalary ekonomıkalyq damý baǵdarlamalarymen tyǵyz ushtasyp otyrǵanyn ózge jurttar da kórip, bilip otyr. Sol sebepti, qazaqstandyq damý jolyna halyqaralyq dárejedegi qoǵamdastyq laıyqty baǵasyn berip, álemdik baǵdarlamalarǵa jetekshilik jasaý oraıynda elimizge úlken senim kórsetti. Sonyń aıqyn bir kórinisi – aldaǵy ýaqytta ótetin EKSPO-2017 kórmesi.
Álemdegi 50 damyǵan memleket qataryna qosylǵan elimizde baıypty ósý bar, halyqtyń áleýmettik turmysynda turaqty ilgerileý bar. Ony alysqa barmaı-aq, almatylyqtardyń búgingi turmysynyń óskeninen de baıqaýǵa bolady. Qala ákimi, partııamyzdyń qalalyq fılıalynyń tóraǵasy Ahmetjan Esimovtiń qoldaýymen partııa ókilderi turaqty túrde Indýstrııalandyrý kartasyna qatysýshy óndiristik nysandardy aralap, ondaǵy jumys barysyn únemi nazarda ustap otyrady. Mysaly, jyl qorytyndysynda júrgizilgen monıtorıng boıynsha Indýstrııalandyrý kartasyna engen 29 joba aıasynda: qala metropolıteni, radıobaılanys quraldar zaýyty, dári-dármek shyǵarý sııaqty, t.b. nysandarda jańa jumys oryndary kóptep ashylyp jatqanyn maqtanyshpen atap ótýge bolady. Bul kúnde shaǵyn jáne orta bıznes salasynda qyzmet jasaıtyn qalalyqtardyń sany 370 myńnan asty. Almatydaǵy jan basyna shaqqandaǵy ishki jalpy ónim eýropalyq damyǵan memleketterdiń kórsetkishine teń bolyp otyr. Turaqty eńbek pen tabystyń nátıjesinde ortasha jalaqy respýblıka boıynsha aldyńǵy orynǵa shyqty. Árbir úshinshi almatylyq avtokólik minip júr. Nárestelerdiń dúnıege kelýi sońǵy úsh jylda eki esege kóbeıdi. El turmysynyń ósýi degenimiz osy bolar.
Sondaı-aq, qalanyń óz kelbeti de ajarlanyp, ınfraqurylymy jetilip, mádenıeti órkendeý jolyna tústi. Elimizdegi bilim men iliminiń rýhanı kósh basshysy sanalatyn shaharymyzda teatr, sport saraıy, mektep, balabaqshalar ashylyp, basqa da áleýmettik nysandardyń qurylystary qyzý júrip jatyr. Mysaly, Halyqaralyq shańǵy kesheni kópshiliktiń jıi bas qosatyn sport-demalys ornyna aınaldy. Aldaǵy ýaqytta stýdent jastardyń qysqy Ýnıversıadasy ótpek. Oǵan daıyndyq jumystary jan-jaqty júrgizilýde. Mine, osy jetistikterdiń barlyǵyn biz halqymyzdyń ıgiligi retinde qasterlep, damyta bilýimiz kerek. Munyń bárin Elbasy jınaqtap: «Bul qundylyqtar – ýaqyt synynan ótken qazaqstandyq jol tájirıbesi», dep aıqyndady. Jáne ony taǵy da jeti salaǵa bólip, «Jańa qazaqstandyq patrıotızmniń ıdeıalyq negizi osy memleket quraýshy, jalpyulttyq qundylyqtarda jatyr», dep atap kórsetti. Bul jerde qazaq úshin kıeli bolyp tabylatyn 7 sanynyń da qaıtalanyp kelýi tegin bolmasa kerek. Ony biz Máńgilik Eldiń sátti jeti qadamy dep túsinsek te bolǵandaı. Sonyń bárinde nurotandyqtardyń qosqan qomaqty úlesi bar.
Búginde 70 myńnan astam múshesi bar Almaty qalalyq fılıaly respýblıkamyzdaǵy eń úlken saıası uıymnyń birine aınalyp otyr. Joǵaryda aıtqanymdaı, olar barlyq áleýmettik-ekonomıkalyq, rýhanı saladaǵy damýǵa barynsha atsalysyp, ózderiniń kúsh-jigerin alǵaýsyz arnaýda. Bul uıymshyldyq óz jemisin berýde. Onyń bir ǵana aıqyn mysaly – Almaty qalalyq partııa uıymy «Nur Otan» partııasynyń saılaýaldy tuǵyrnamasynda belgilengen «Ulttyq is-qımyl josparyn» jyl saıyn asyra oryndap keledi. Jańasha jumys kezeńine shyqqan partııamyzdaǵy úlken ózgerister men jańarýlardy qalyń jurtshylyq kórip otyr. Partııa belgilegen mindetterge oraı, qalalyq fılıaldyń uıymdastyrý qyzmeti odan ári jańartylyp, bastaýysh partııa uıymdarynyń rólin arttyrý jolyndaǵy naqty sharalar júzege asyrylýda. Elbasymyz bastaǵan, týǵan eli qostaǵan jańǵyrtýlar men ózgerister partııamyzǵa da oń yqpalyn tıgizdi. Kemel keleshekke keń jol ashatyn osynaý tarıhı Joldaý elimizdegi jarqyn isterdi jańa belesterge jeteleıtinine kúmán joq.
Kenjehan MATYJANOV,
«Nur Otan» partııasy Almaty qalalyq
fılıaly tóraǵasynyń birinshi orynbasary,
Qazaqstannyń eńbek sińirgen qaıratkeri.
