«Memleket basshysynyń tapsyrmasy boıynsha veterınarııa júıesine túbegeıli reforma júredi.
Birinshiden, memlekettik monopolııa fýnksııalarynyń bir bóligin básekeli ortaǵa berý josparlanyp otyr. Bul osy salaǵa jeke kapıtal tartý úshin qajet», dedi E. Qarashókeev.
Mınıstrdiń aıtýynsha, veterınarııa jumysy sıfrlyq formatqa kóshiriledi. Sol arqyly epızootııalyq ahýaldy qadaǵalap, mal sharýashylyǵy ónimderiniń qaýipsizdigi qamtamasyz etiledi. Sonymen qatar sıfrlandyrý arqyly veterınarlardy qaǵazbastylyqtan bosatý josparlanǵan.
«Osylaısha, olar negizgi fýnksııasyn oryndaýǵa kóbirek múmkindik alady. Sonymen qatar ortalyq jáne jergilikti atqarýshy organdardyń veterınarııalyq qyzmeti arasynda ókilettik naqty bólinetin bolady», dedi mınıstr
Sondaı-aq veterınarlardyń jalaqysyn kóterý máselesi qaralyp jatyr. Bul bastamalardy iske asyrý úshin veterınarııa salasyndaǵy zańnamaǵa ózgerister men tolyqtyrýlar ázirlenedi.
