Bul jumysqa jergilikti bıýdjetten eki jarym mıllıard teńge bólingen. Bir lıfti aýystyrý úshin shamamen 10 mıllıon teńge qajet. Bul somany turǵyndar 15 jyldyń ishinde qaıtarýy kerek. Osy kúnge deıin bıylǵa josparlanǵan jumystyń 90 prsenti aıaqtalǵan. Qalanyń turǵyn úı qorynda 5600-den astam lıft bolsa, sonyń áli 400-ge jýyǵy jańartýdy talap etedi. Bul baǵyttaǵy jumys kelesi jyly da jalǵasady. Mamandardyń pikirinshe, turǵyn úıdegi lıftiler 25 jyldan keıin aýystyrylyp turýy qajet.
«Osy 334 lıftiniń 304-i aýystyryldy. Otyzy qaldy. Jyldyń aıaǵyna deıin aýystyrylady. Jalpy memlekettik baǵdarlama boıynsha 1243 lıft aýystyryldy. Bul respýblıka boıynsha óte joǵarǵy kórsetkish dep eseptesek bolady», deıdi qalalyq turǵyn úı saıasaty basqarmasynyń bólim basshysy Haden Mashqanov.
