Táýelsizdiktiń 30 jyldyǵy • 03 Qyrkúıek, 2021

Ortaǵa salynǵan oılar kóp

133 ret kórsetildi

Sábıt Muqanov atyndaǵy ob­lys­tyq ámbebap kitaphanada elimiz Táýelsizdiginiń 30 jyl­dyǵyna arnalǵan «Táýelsiz Qazaqstan: Jasampazdyqqa toly jyldar. Soltústik Qazaq­stan oblysynyń basty jetis­tikteri» atty dóńgelek ústel ótti. Oǵan memlekettik or­gan­dardyń, azamattyq qoǵam sektorynyń, jastardyń, QHA fılıalynyń, oqý oryndarynyń, BAQ ókilderi qatysty.

Dóńgelek ústeldi ash­qan ob­lystyq ishki saıasat bas­qar­ma­synyń basshysy Kemel Ospa­nov bıylǵy jyldyń elimizdiń tarıhyndaǵy aıryqsha jyl eke­nin aıtyp, onyń Táýelsizdikti 30 jyldyq beleske shyǵarǵanyna nazar aýdaryp, osy jyldardaǵy qol jetken tabystardy atap ótti. «Osy jyldarda Qazaqstan Elbasy N.Nazarbaevtyń bastaýymen memlekettik qurylys­tyń qazaqstandyq úlgisin berik qalady. Qazaqstan halqynyń patrıottyq sezimderi qalaı be­rik ornasa, etnosaralyq jáne kon­fessııaaralyq qatynastar óz­ara qurmet pen tózimdilikke negizdeldi. Qazaqstan álemniń saıa­sı kartasynda senimdi, boljaldy memleket bolyp tanyl­dy. Prezıdent Q.Toqaev ózi­niń «Táýelsizdik bárinen qym­bat» atty maqalasynda aıtyp ótkenindeı «Bul – qaıta jań­ǵyrǵan qazaq memlekettiginiń, ata-babalarymyz ańsaǵan azat­tyqtyń tuǵyry nyǵaıa túskenin áıgileıtin mańyzdy beles. Tarıh turǵysynan alǵanda, otyz jyl – kózdi ashyp jumǵandaı qas-qa­ǵym sát. Degenmen, bul kóptegen halyqtar úshin qıyndyǵy men qýanyshy, daǵdarysy men damýy almasqan tutas dáýir deý­ge bolady». Osy 30 jylda Qa­zaqstannyń álemge tanylýyna onyń beıbitsúıgish syrtqy saıa­satynyń áseri mol boldy. Qa­zaqstan óziniń aýmaǵynda KSRO-dan qalǵan álemdegi tór­tinshi oryndaǵy ıadrolyq qa­rý arsenalynan bas tartyp qa­na qoıǵan joq, ony taratpaý, adam­zatty qyryp-joıǵysh qarý­lardy qoldanbaý baǵytynda dúnıe­júzilik mańyzy bar bas­tamalar kóterdi. Ekonomıkada na­ryqtyq qatynastar ornady. Saryarqanyń tósine búkil álemge tanylǵan jańa astana turǵyzyldy, elimizdiń shekarasy shegendelip, eshqandaı memleketpen terrıtorııalyq talasy joq az memleketterdiń qataryna qosyldyq. Búgin osyndaı tabystarymyzdy eske alyp, olar týraly tolǵamdarymyz­dy ortaǵa salamyz», deı ke­lip Kemel Ospanov sózdi baıan­damashylar­ǵa berdi.

Baıandama jasaǵandar arasynda M.Qozybaev atyndaǵy SQÝ prorektory, tarıh ǵy­lym­­darynyń doktory Aq­ma­ral Ybyraeva joǵary bilim sa­la­syndaǵy jetistikter, №18 mek­­teptiń dırektory Kúlim­kóz Ysmaıylova bilim berý sa­­la­synyń qol jetken tabys­tary, QHA oblystyq fılıa­lynyń jáne Urpaq qazaq má­denı-aǵartý ortalyǵynyń tór­aǵasy Gúlbaqsha Musabaeva qazaqs­tandyq týystyq, tózimdilik úl­gisi, «Azamattyq alıans» asso­sıasııasynyń» tóraǵasy Janat Muhamedjanov azamattyq qo­ǵam ınstıtýttarynyń jetil­di­rilý joldary jaıly baıandap, qatysýshylarǵa tolymdy aq­parattar berdi. Basqa baıan­da­mashylardyń da sózderi táýel­sizdiktiń jan-jaqty tabystaryn qamtydy.

Pikirtalasqa qatysqandar­dyń bári el Táýelsizdiginiń 30 jyl­dyǵy bıylǵy jyldyń eń ­basty merekesi ekenin biraýyz­dan aıtty. Jıynda jaman in­det­ten saqtaný rejimin buzbaı Táýelsizdiktiń 30 jyldyǵyn jal­py halyq bolyp atap ótýdiń mańyzdylyǵy týraly da aıtyldy.

 

Petropavl

 

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar