Elimizde terrorızm jáne ekstremızm tóńireginde tirkelgen quqyqbuzýshylyqtar sany birden 20%-ǵa artty.
Sarapshylar 2021 jyldyń qańtar-shilde aılarynda elde 139 quqyqbuzýshylyq tirkelgenin atap ótti. 2020 jyldyń uqsas kezeńinde elimizde osyndaı 116 quqyqbuzýshylyq tirkeldi.
«О́ńirlik bóliniste ekstremızm men terrorızmge baılanysty quqyqbuzýshylyqtardyń basym bóligi Túrkistan oblysynda tirkeldi», dep habarlaıdy sarapshylar.
Sondaı-aq, úshtikke Jambyl oblysy men Shymkent qalasy da kirdi. Bul óńirlerde jyl saıyn 16 quqyq buzýshylyq tirkeledi.
Aǵymdaǵy jyly eń az quqyqbuzýshylyqtar Shyǵys Qazaqstan men Qostanaı oblystarynda tirkeldi.
Negizinen, mundaı keleńsizdiktiń kóbi áleýmet, ult, rý, násil, tap nemese din aınalasyndaǵy alaýyzdyqty qozdyrýmen baılanysty. Bıyl ótken jyldaǵydaı 48 jaǵdaı tirkeldi.
Budan basqa, quqyqbuzýshylyqtardyń «tanymal» túrleriniń arasynda terrorızmdi nasıhattaý nemese terrorızm aktisin jasaýǵa shaqyrý, sondaı-aq olardyń ekstremızmdi nemese terrorızmdi júzege asyrýyna baılanysty qyzmetine tyıym salý nemese joıý týraly sot sheshiminen keıin qoǵamdyq nemese dinı birlestiktiń ne ózge de uıymnyń qyzmetin uıymdastyrý jáne oǵan qatysý atap ótildi.
Beıbitsúıgishtik reıtıngisinde Qazaqstan 163 eldiń ishinde 67-oryndy ıelendi. El ındeksi 1,94 qurady. Mundaǵy ındeks neǵurlym joǵary bolsa, el soǵurlym beıbit dep sanalady.
Beıbitshilik ındeksi soǵystardyń bolýyn nemese bolmaýyn ǵana emes, sonymen birge zorlyq-zombylyqtyń bolmaýyn, olardan qorqý deńgeıin, qaýipsizdikti, jalǵasyp jatqan qaqtyǵystar men mılıtarızasııany da eskeredi.
«Reıtıngte TMD elderi arasynda Moldova beıbitsúıgish jáne qaýipsiz bolyp shyqty. Qyrǵyzstan, О́zbekstan, Armenııa, Tájikstan, Túrikmenstan, Belarýs, Ázirbaıjan, Ýkraına jáne Reseı sııaqty elder Qazaqstannan tómen boldy», dep naqtylady zertteýshiler.
Islandııa, Jańa Zelandııa jáne Danııa atalǵan reıtıngte kósh bastasa, Aýǵanstan sońynda qaldy.
