Qoldamaıtyndardyń bir toby sport nysandary salynatyn aýmaqty qorǵap, sherýge shyqty. О́ıtkeni myna úılerdiń mańyndaǵy aýmaqty 150 jyl boıy osy jerdiń turǵyndary óńdep, kútim jasap, atadan balaǵa mıras etip keledi. Endi bul jerge bılik júzý ortalyǵyn salmaq. Sheteldik jýrnalısterge arnalǵan ǵımarat ta turǵyzylǵaly jatyr. Mektep janynan jańa joldar tartylady. Budan basqa, atalǵan aımaqta 14 myń sportshyny qabyldaıtyn Olımpıada qalashyǵy boı kótermek. Al osy máselege narazylyq birneshe aıdan beri jalǵasyp keledi. Ázirge bılik turǵyndardyń talabyna qulaq aspaı tur. Belsendiler de raıynan qaıtar emes.
«Bizge «Qýanyńdar, senderge tartý jasap jatyrmyz» deıdi. Qaıdaǵy syılyq? «Olımpıada tek jaqsylyq ákeledi» deıdi, bul da ótirik. Bizdiń aımaq eń turaqsyz, eń kedeı, ekologııasy eń nashar jáne kovıdten eń qatty zardap shekken óńirge aınaldy. Sena-San-Denı departamentindegi Olımpıada oıyndaryna qatysty jobalardyń eshbiri jergilikti turǵyndarmen kelisilmegen», deıdi belsendi Vıan Grıvo-Jenes.
