Qazaqstan Respýblıkasynyń Qarýly Kúshterinde sardarlar men sarbazdar Memleket basshysynyń Qazaqstan halqyna Joldaýy el damýynyń negizgi baǵdary bolyp tabylatyndyqtan, jyldyń basty qujatynyń negizgi ıdeıalary men maqsattaryn zerdeleýde.
Qazaqstan Respýblıkasynyń Qarýly Kúshterinde sardarlar men sarbazdar Memleket basshysynyń Qazaqstan halqyna Joldaýy el damýynyń negizgi baǵdary bolyp tabylatyndyqtan, jyldyń basty qujatynyń negizgi ıdeıalary men maqsattaryn zerdeleýde.
QR QK Áýe qorǵanysy kúshteriniń áskerı ushqyshtary Prezıdenttiń «Qazaqstan joly – 2050: bir maqsat, bir múdde, bir bolashaq» atty Joldaýyn keńinen talqylady. Joǵarǵy Bas qolbasshynyń qamqorlyǵy arqasynda Qazaqstan áskeri búgingi kúni qazirgi zamanǵy áskerı tehnıkamen jaraqtanǵan, áskerı qyzmetshilerdiń áleýmettik máseleleri Memleket basshysynyń udaıy nazarynda.
Búginde Qazaqstan Qarýly Kúshteriniń áskerı qyzmetshileri UQShU jáne NATO elderi qarýly kúshteriniń áskerı qyzmetshilerimen birlesip ótkiziletin halyqaralyq oqý-jattyǵýlarǵa qatysady. Halyqaralyq sarapshylardyń baǵasy boıynsha, Qazaqstan áskeri TMD elderi arasynda aldyńǵy úshtikke kiredi. Qazaqstan áskeriniń qorǵanys qabiletin nyǵaıtýdaǵy basty tapsyrma ulttyq qaýipsizdikti qorǵaý jáne elimizdiń álemdik jáne aımaqtyq problemalardy sheshýge qatysýy. Elbasy osy qundylyqtardyń arqasynda bizdiń jeńiske jetkenimizdi, elimizdi nyǵaıtqanymyzdy, uly jetistikterimizdi arttyrǵanymyzdy aıtty. Osyndaı memleket quraýshy, jalpyulttyq qundylyqtardan Jańa Qazaqstandyq Patrıotızmniń negizi quralady.
Áýe qorǵanysy kúshteriniń áskerı qyzmetshileri Joǵarǵy Bas qolbasshynyń ıdeıalaryn qoldaıdy. Qazaqstannyń damyǵan otyz eldiń qataryna enýi úshin ózderiniń jaýyngerlik jáne patrıottyq boryshtaryn abyroımen oryndaýǵa daıar.
Budan buryn habarlaǵanymyzdaı, QR Qarýly Kúshteriniń barlyq bólimderi men quramalarynda komandırler jeke quramǵa Elbasynyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn túsindirýdi jalǵastyrýda.
«Egemen-aqparat».
