Bul týraly Kókshetaý.Azııa aqparattyq portaly málimdedi.
Aqmola oblysy Býrabaı aýylynda bolǵan qandy qylmys turǵyndardy shoshytqan. Qylmys 2020 jyldyń 5 jeltoqsanynda kópqabatty turǵyn úıdegi páterleriniń birinde er adam tórt áıeldi pyshaqtap óltirgen.
Tergeý málimetteri boıynsha, Aqmola oblysynyń 28 jasar turǵyny Valentın Shtyr Býrabaı aýdandyq polısııa bólimine ózi habarlasyp, uıyqtap jatqan tórt áıeldi óltirgeni týraly habardy jetkizgen.
Qylmysty jasaý kezinde er adam mas bolǵan.
Onyń qurbandary 70 jastaǵy áıel men onyń 41 jastaǵy qyzy jáne eki kórshisi eken.
Tártip saqshylary telefon soqqan adamdy ustady. Ol buryn birneshe ret urlyq úshin sottalǵan bolyp shyqty.
Qylmysyn moıyndaǵan kúdikti qylmys quraly – pyshaqty kórsetti. Qylmys sebebin ol óltirilgenderdiń birimen araz bolǵanymen túsindirdi.
Aqmola oblystyq soty sottalýshyny kisi óltirgeni úshin kináli dep tanydy. Sýdıa Torqaly Bektursynov ony ómir boıyna bas bostandyǵynan aıyrdy.
Úkim zańdy kúshine engen joq.
Sottalýshy óz kinásin moıyndamady.
