«Qazirgi kezde el aýmaǵynda «Ýchaske» jedel aldyn alý is-sharasy ótkizilip jatyr. Operasııa 1 qyrkúıekten 1 jeltoqsanǵa deıin jalǵasady. Osy oraıda ýchaskelik ınspektorlar ózderine bekitilgen aýmaqta halyqpen tanysý, sondaı-aq túrli quqyqbuzýshylyq jasaıtyn adamdardy jáne ishki ister organdarynda esepte turǵandardy anyqtaý úshin úılerdi aralaıdy», dedi N.Oraz aptalyq onlaın brıfınkte.
Sonymen qatar jalǵa beriletin páterler, bazarlar men ózge de saýda oryndary, jastar men kámeletke tolmaǵandar kóptep jınalatyn jerler, azamattyq qarý ıeleri men sheteldikter tekseriledi. Polıseıler saıajaılarda, qurylys nysandarynda, qaraýsyz qalǵan ǵımarattarda tekserý júrgizip jatyr.
«Aýyldyq jerlerde negizgi kúsh-jiger qystaýlardy tekserýge jáne turǵylyqty jeri joq adamdardy anyqtaýǵa, sondaı-aq adamnyń eńbegin zańsyz paıdalaný men tirkelmegen qarýdy saqtaý faktilerin anyqtaýǵa baǵyttalǵan», dedi resmı ókil.
