«Memleket basshysynyń halyqtyń ál-aýqatyn arttyrýǵa baǵyttalǵan 5 bastamasyn iske asyrý maqsatynda kelesi is-sharalar iske asyrylatyn bolady. Birinshiden, eń tómengi jalaqy 2022 jyldyń 1 qańtarynan bastap 60 myń teńgege deıin ulǵaıtylady», dedi Áset Erǵalıev Úkimet otyrysynda.
Ekinshiden, bıznesti óz qyzmetkerleriniń jalaqysyn arttyrýǵa yntalandyrý sharalary ázirlenetin bolady.
«Úshinshiden, ETQ júktemesin 2023 jyldan bastap 34%-dan 25%-ǵa deıin tómendetýdi kózdeıtin mıkro jáne shaǵyn bıznes úshin eńbekaqy tóleý qorynan biryńǵaı tólemdi engizý josparlanýda. Tórtinshiden, azamattyq qyzmetshilerdiń jekelegen sanattarynyń jalaqysyn jyl saıyn 2022 jyldan 2025 jylǵa deıin 20%-ǵa ulǵaıtý kózdelip otyr. Besinshiden, eń tómengi jetkiliktilik sheginen joǵary zeınetaqy aýdarymdarynyń bir bóligin Turǵyn úı satyp alý úshin «Otbasy bankindegi» shotqa aýdarý múmkindigi beriletin bolady», dep atap ótti mınıstr.
