«2021 jylǵy 1 qazannan bastap 2022 jylǵy 30 qyrkúıekke deıingi kezeńde «Ár túrli sanattaǵy kólik quraldaryn basqarý quqyǵyna júrgizýshi kýáligin alýǵa teorııalyq jáne praktıkalyq emtıhandar qabyldaýdy ońtaılandyrý» pılottyq jobasy ótkizilsin», dep jazylǵan birlesken buıryq jobasynda.
Jańa qujat boıynsha emtıhan tapsyrý tártibi mynadaı:
- Teorııalyq emtıhan tapsyrmaǵan júrgizýshi praktıkalyq emtıhanǵa jiberilmeıdi. Teorııalyq emtıhan da praktıkalyq emtıhan da qaıtadan taǵaıyndalý úshin aldyńǵy emtıhan ótkizilgen kúnnen bir jumys kúni ótýi kerek;
- Teorııalyq emtıhan operatordyń qatysýymen «Azamattarǵa arnalǵan úkimet «memlekettik korporasııasy» KEAQ aıqyndaıtyn tártippen ótkiziledi. Operator emtıhan tapsyrýshylardyń belgilengen talaptardy saqtaýyn baqylaýy tıis;
- Teorııalyq emtıhandy tapsyrý úshin emtıhan kúninen keminde bir kún buryn (jumys kúni) «elektrondyq úkimet» portaly arqyly, portaldyń ıntegrasııalyq servısteri arqyly nemese Memlekettik korporasııaǵa júginý arqyly ótinish bere alady;
- Memlekettik korporasııaǵa júgingen kezde emtıhan tapsyrýshy jeke basyn kýálandyratyn qujatty nemese sıfrlyq qujattar servısinen elektrondyq qujatty usynady;
- Operator jeke basty kýálandyratyn qujatty ne elektrondyq qujatty memlekettik aqparattyq júıelerdegi málimettermen salystyryp tekseredi;
- «Emtıhan tapsyrýshynyń» jeke kabınetinde nemese portaldyń tıisti ıntegrasııalyq servısinde memlekettik qyzmet kórsetý úshin ótinimniń qabyldanǵany týraly mártebe kórsetiledi;
- Emtıhan alýshy praktıkalyq emtıhan tapsyrý úshin teorııalyq testileý kúninen keminde bir kún (jumys kúni) buryn emtıhan tapsyrý ornyn, kúni men ýaqytyn ózi tańdaıdy;
- Testileýge ózimen birge jeke basyn kýálandyratyn qujaty ne elektrondyq qujaty bar júrgizýshilikke úmitker jiberiledi. Emtıhan alýshynyń jeke basyn sáıkestendirý emtıhan alýshynyń bıometrııalyq derekterin memlekettik aqparattyq júıelerdegi málimettermen salystyrý arqyly júrgiziledi;
- Testileý bastalǵanǵa deıin operator emtıhan alýshy úshin nusqama ótkizedi jáne týyndaǵan suraqtarǵa jaýap beredi;
- Eger emtıhan alýshy teorııalyq emtıhan tapsyrar aldynda ózin nashar sezinse, operatorǵa habarlaýy tıis. Bul jaǵdaıda mundaı emtıhan alýshydan emtıhan qabyldaý osy kúngi basqa ýaqytta nemese kestege sáıkes basqa kúni júrgiziledi;
- Emtıhan testinde 40 suraq bar. Ár suraqqa birneshe jaýap beriledi, solardyń ishinen durysyn tańdaýy kerek. Emtıhan alýshynyń qalaýy boıynsha teorııalyq emtıhandy qazaq, orys nemese aǵylshyn tilderinde tapsyrýǵa jol beriledi;
- Emtıhan tapsyrýshynyń basqa kandıdattarmen sóılesýge, materıaldarmen almasýǵa, qaǵaz, elektrondy jáne basqa aqparat quraldarynda aqparatty paıdalanýǵa, bólmeden shyǵýǵa bolmaıdy;
- Emtıhan alýshylardyń uıaly telefondar men ózge de elektrondyq jabdyqtardy alyp kirýine jáne kirgizýine jol berilmeıdi. Mundaı qurylǵylar teorııalyq emtıhandy qabyldaý kezinde uıashyqtary bar arnaıy shkaftarda saqtalady. Teorııalyq emtıhan sáti baqylaý kamerasyna jazylady;
- Bul talaptar buzylsa, operator emtıhan tapsyrý prosesin toqtatyp, emtıhan qabyldaý jáne júrgizýshi kýálikterin berý erejelerin buzý týraly akt jasaıdy;
- Emtıhan alýshynyń bıometrııalyq derekterin memlekettik aqparattyq júıelerdegi málimettermen salystyrý nátıjeleri boıynsha sáıkessizdik anyqtalsa, bul adam emtıhanǵa jiberilmeıdi. Al operator emtıhan tapsyrýshynyń jeke basyn sáıkestendirýden ótpegeni týraly aktini memlekettik korporasııa anyqtaıtyn nysanda jasaıdy;
- Emtıhanǵa bólingen ýaqyt ótkennen keıin teorııalyq emtıhandy tapsyrý avtomatty túrde toqtatylady;
- Durys jaýaptardy esepteý kompıýterlik testileý baǵdarlamasynyń kómegimen avtomatty túrde júzege asyrylady. Emtıhan aıaqtalǵannan keıin emtıhan alýshy kompıýter ekranynda kórsetilgen teorııalyq emtıhandy tapsyrý nátıjelerimen tanysady;
- Teorııalyq emtıhandy tapsyrý nátıjeleri týraly derekter emtıhan alýshynyń portaldaǵy jeke kabınetine, sondaı-aq portaldyń tıisti aqparattyq júıeleri men ıntegrasııalyq servısterine beriledi. Teorııalyq emtıhandy tapsyrý nátıjeleri ony tapsyrǵan kúnnen bastap bir jyl boıy jaramdy;
- «A», «V» sanattaryndaǵy, «A1», «V1» kishi sanatyndaǵy kólik quraldaryn basqarý quqyǵyn alýǵa óz betinshe daıarlyqtan ótken júrgizýshilikke úmitkerler teorııalyq emtıhan tapsyrý kezinde praktıkalyq emtıhan tapsyrý kezinde úsh ret teris baǵa alsa, alty aıdan keıin ǵana qaıta tapsyra alady. Praktıkalyq emtıhan tapsyrý kezinde úsh ret teris baǵa alǵan jaǵdaıda teorııalyq emtıhan nátıjeleri avtomatty túrde joıylady.
Qujat jobasy 22 qyrkúıekke deıin «Ashyq NQA» saıtynda talqylanady.
