Prezıdent • 08 Qyrkúıek, 2021

Memleket basshysy birqatar memlekettiń elshilerinen senim gramotalaryn qabyldady

63 ret kórsetildi

Aqordada on memlekettiń jańadan taǵaıyndalǵan tótenshe jáne ókiletti elshileriniń Qazaqstan Prezıdentine senim gramotalaryn tapsyrý rásimi ótti, dep habarlaıdy Egemen.kz.

Qasym-Jomart Toqaevqa senim gramotalaryn Estonııa Respýblıkasynyń elshisi Toomas Tırs, Ázerbaıjan elshisi Agalar Atamoglanov, Ispanııa Koroldiginiń elshisi Horhe Ýrbıola Lopes de Montenegro, Ulybrıtanııa Koroldigi men Soltústik Irlandııa elshisi Ketrın Djeın Lıch, Rýmynııa elshisi Medelına Lýpý, Italııa Respýblıkasynyń elshisi Marko Albertı, Germanııa Federatıvtik Respýblıkasynyń elshisi Monıka Iverson, Belgııa Koroldiginiń elshisi Anrı Vantıgem, Eýropalyq Odaq О́kildiginiń basshysy, elshi Kestýtıs Iаnkaýskas, Qyrǵyz Respýblıkasynyń elshisi Dastan Dıýshekeev tabystady.

1

Prezıdent elshilerdi Qazaqstandaǵy dıplomatııalyq mıssııalarynyń resmı túrde bastalýymen quttyqtaı otyryp, olardyń tájirıbesi men kásibı biliktiligi dostas halyqtardyń ártúrli salalar boıynsha yntymaqtastyq ornatýyna yqpal etedi degen senimin jetkizdi. 

Qazaqstan Prezıdenti elshiler aldynda sóılegen sózinde elimizdiń táýelsizdik jyldaryndaǵy jetistikterine toqtala ketti.

«Bıyl biz Qazaqstan táýelsizdiginiń otyz jyldyǵyn atap ótemiz. Bul – biz úshin mańyzdy kezeń. Osy jyldar ishinde elimiz ishki turaqtylyǵymen, ekonomıkalyq ósimimen jáne syrtqy saıasattaǵy ornyqty ustanymymen tanyldy. Bıylǵy Joldaýymda ekonomıkalyq reformalar týraly jan-jaqty aıttym. Sonymen qatar demokratııalyq qundylyqtardy, adam quqyqtaryn jáne zań ústemdigin ilgeriletýge baǵyttalǵan «Halyq únine qulaq asatyn memleket» tujyrymdamasy júzege asyrylyp jatyr», dedi Qasym-Jomart Toqaev óz sózinde.

Memleket basshysy elimizdiń pandemııamen kúres kezinde halyqaralyq seriktesterimen yntymaqtastyǵyn atap ótti.

«Qazirgi ýaqytta adamzat Covid-19 pandemııasynan medısınalyq, áleýmettik jáne ekonomıkalyq daǵdarystan zardap shegýde. Bul halyqaralyq júıeniń ǵalamdyq tótenshe jaǵdaılarǵa qanshalyqty daıyn emes ekenin kórsetti. Pandemııamen kúreste Qazaqstan óziniń jahandyq seriktesterimen yntymaqtastyqtyń arqasynda Reseıden, Qytaıdan jáne AQSh-tan vaksınalar jetkizýdi qamtamasyz etip keledi. Elimiz tıimdi, eń bastysy, qaýipsiz vaksına jasap shyǵardy. Dúnıejúzilik densaýlyq saqtaý uıymynyń sertıfıkatyn alǵannan keıin biz olardy shetelderge jetkize alamyz. Pandemııa, jappaı qyryp-joıý qarýynyń taralýy jáne klımattyń ózgerýi sııaqty ǵalamdyq qaýip-qaterlermen kúreste kúsh biriktirgenimiz abzal. Iаdrolyq qarýdan azat álem qurý Qazaqstannyń syrtqy saıasatynyń basym baǵyty bolyp qala beretinin atap ótkim keledi. Men byltyr BUU Qaýipsizdik Keńesiniń aıasynda bıologııalyq qaýipsizdik jónindegi halyqaralyq agenttikti qurýdy usynyp, jahandyq kún tártibiniń taǵy bir ólshemin usyndym», dedi Prezıdent.

2

Saltanatty is-shara barysynda Qasym-Jomart Toqaev Aýǵanstandaǵy ahýalǵa baılanysty qabyldanǵan sheshimder men atqarylyp jatqan jumystar týraly sóz qozǵady.

«Aýǵanstandaǵy shıelenisken máselelerdi retteý úshin Qazaqstan sheteldik seriktesterimen tize qosyp jumys istep keledi. Biz, eń aldymen, sol jerdegi otandastarymyzdy uıymdasqan túrde evakýasııalaýdy qamtamasyz ettik. Endi, biz Aýǵanstandaǵy qazaq dıasporasynyń múshelerin, ıaǵnı qandastarymyzdy elge qaıtarý máselesin qarastyryp jatyrmyz. Gýmanıtarlyq ustanymdarǵa sáıkes aýǵanstandyq 57 stýdenttiń bilim berý vızalaryn uzarttyq. Sonymen qatar bortynda shetel azamattary bar ushaqtarǵa janarmaı quıý úshin tranzıttik áýe dálizderi men qoný alańdaryn usyndyq. BUU-nyń Aýǵanstan jónindegi agenttikteriniń qashyqtaǵy ýaqytsha keńsesi Almaty qalasyna ornalastyryldy», dedi Memleket basshysy.

Ol, sondaı-aq, Estonııa Respýblıkasynyń elshisi Toomas Tırske eki memleket arasyndaǵy dıplomatııalyq qarym-qatynastardy joǵary baǵalaıtynyn jetkizdi.

«Qazaqstan men Estonııany ortaq tarıhı belesteri biriktirse, qazir saıası jáne ekonomıkalyq múddeler baılanystyryp keledi. Sizdiń elińiz – Qazaqstannyń Eýropalyq Odaq pen Baltyq óńirindegi mańyzdy seriktesi. Biz jasyl ekonomıka, kólik jáne logıstıka, sıfrlandyrý, bilim berý jáne týrızm salalaryndaǵy jańa múmkindikterdi paıdalanamyz dep úmittenemin», dedi Qasym-Jomart Toqaev.

3

Memleket basshysy Agalar Atamoglanovqa Ázerbaıjan Qazaqstannyń Eýrazııalyq keńistiktegi jáne Kaspıı óńirindegi negizgi seriktesteriniń biri ekenin aıtty.

«Bizdiń kópjaqty yntymaqtastyǵymyzdyń barlyq salasyna tyń serpin berý ózekti másele», dedi Prezıdent.

4

Horhe Ýrbıolaǵa qarata aıtqan sózinde Memleket basshysy Ispanııany ekijaqty jáne kópjaqty deńgeıdegi senimdi saıası seriktes retinde joǵary baǵalaıtynyn jetkizdi.

«О́ńdeý jáne taý-ken ónerkásibi, ınfraqurylym, balamaly energııa kózderi, tamaq óndirisi, densaýlyq saqtaý, bilim berý jáne týrızm sııaqty salalardy órkendetý úshin tıimdi múmkindikter ashylýy yqtımal», dedi Prezıdent.

5

Memleket basshysy Ulybrıtanııa Koroldigi men Soltústik Irlandııa elshisi Ketrın Djeın Lıchke Qazaqstan ekonomıkasyndaǵy besinshi iri ınvestor sanalatyn Birikken Koroldikpen aradaǵy strategııalyq yntymaqtastyqty joǵary baǵalaıtynyn atap ótti.

«Qazaqstan men Ulybrıtanııa arasynda jaqyn arada qol qoıylatyn Jasyl ekonomıka salasyndaǵy birlesken saıası deklarasııa men yntymaqtastyqtyń jol kartasy bizdiń seriktestigimizge tyń serpin beredi», dep atap ótti Qasym-Jomart Toqaev.

Prezıdent elshi Medelına Lýpýǵa arnaǵan sózinde Rýmynııa men Qazaqstannyń eki úlken naryqtyń ortasynda ornalasqanyn nazarǵa aldy.

«Bir jaǵynan Qytaı, Reseı, Ortalyq Azııa jáne Kaspıı aımaǵyn, ekinshi jaǵynan Eýropalyq Odaq pen Qara teńiz aımaǵyn qamtıdy. Bul bizdiń kásiporyndarymyzǵa munaı-gaz ónerkásibinen bólek basqa da túrli salalarda yntymaqtastyqty arttyrýǵa jol ashady», dedi Memleket basshysy.

6

Memleket basshysy Italııa Respýblıkasynyń elshisi Marko Albertıge Qazaqstannyń Eýropalyq Odaqtaǵy senimdi seriktesi Italııamen aradaǵy qarym-qatynastardy odan ári nyǵaıtýǵa nıetti ekenin jetkizdi.

«Rım – Qazaqstannyń iri saýda seriktesteriniń biri. Biz Italııamen óńdeý ónerkásibi, kólik jáne logıstıka, aýyl sharýashylyǵy, energetıka, jańartylatyn energııa kózderi, jańa tehnologııalar salalaryndaǵy jan-jaqty yntymaqtastyǵymyzdy keńeıtýge múddelimiz», dedi Qasym-Jomart Toqaev.

7

Qazaqstan Prezıdenti Germanııa Federatıvtik Respýblıkasynyń elshisi Monıka Iversonǵa eki memleket ózara túsinistik pen ortaq basymdyqtarǵa negizdelgen berik qatynastar ornatqanyn aıtty.

«Berlınge saparymnan keıingi sońǵy eki jylda Qazaqstan-Germanııa qarym-qatynasy ornyqty damyp keledi. Keshe ǵana men Soltústik Qazaqstanda CLAAS kompanııasy ınvestısııa salǵan kásiporynǵa bardym. Bul joba – bizdiń ekijaqty yntymaqtastyǵymyzdyń qarqyn alǵanynyń taǵy bir dáleli. Men atap ótken CLAAS Group kásipornymen, sonymen birge Siemens, Linde, BASF, Svevind Energy, Knauf, Martin Bauer, Baumann, Goldbeck Solar jáne basqa da kompanııalarmen birlesken jańa jobalar – bizdiń ortaq jetistikterimiz. Qazaqstan tehnologııa, bilim berý jáne áleýmettik ıntegrasııa salasy boıynsha jetekshi ekonomıkalyq derjava sanalatyn Germanııamen yntymaqtastyqty odan ári nyǵaıtýǵa múddeli», dedi Prezıdent.

Qasym-Jomart Toqaev Belgııa Koroldiginiń elshisi Anrı Vantıgemge eki memlekettiń ornatqan berik qarym-qatynastaryn joǵary baǵalaıtynyn aıtty.

«Eki el arasynda energetıka, jańartylatyn energııa, aýyl sharýashylyǵy jáne hımııa salalaryn qosa alǵanda, ártúrli salalarda ekonomıkalyq baılanystar jolǵa qoıylǵan. Brıýsselge josparlanǵan saparym bizdiń qarym-qatynasymyzda paıdalanylmaǵan úlken áleýetti ashýǵa kómektesedi dep senemin», dedi ol.

Memleket basshysy Eýropalyq Odaq О́kildiginiń basshysy, elshi Kestýtıs Iаnkaýskasqa Brıýsselge jasaıtyn sapary Eýropalyq Odaqty da qamtıtynyn jetkizdi.

«Men Prezıdent Charlz Mıshelge seriktestiktiń jańa josparyn jasaý úshin jeke kezdesýge daıyn bolǵany úshin alǵys aıtamyn. Eýropalyq Odaqtyń Ortalyq Azııa memleketterimen aradaǵy keńeıtilgen áriptestik pen yntymaqtastyq týraly alǵash ret qol qoıylǵan Kelisimniń kúshine enýi bizdiń qarym-qatynastarymyzdy jańa deńgeıge shyǵardy», dedi Qasym-Jomart Toqaev.

8

Elshi Dastan Dıýshekeevke Qazaqstannyń Qyrǵyz Respýblıkasymen strategııalyq seriktestikke erekshe nazar aýdaratyny týraly aıtyldy.

«Bıylǵy naýryz aıynda Prezıdent Sadyr Japarovtyń Qazaqstanǵa jasaǵan memlekettik saparynyń qorytyndysy ózara is-qımyldy keńeıtýdiń basty baǵdary boldy. Qarym-qatynastarymyzdy odan ári tereńdetý maqsatynda men qyrǵyz áriptesimniń 2022 jyldyń basynda Bishkekke saparmen kelýge shaqyrýyn rızashylyqpen qabyldadym», dedi Prezıdent.

Qyzmetke kirisken elshiler Prezıdentke óz elderi men Qazaqstan arasyndaǵy yntymaqtastyqty odan ári nyǵaıtýǵa bar kúsh-jigerin jumsaıtyndaryn jetkizdi.

9

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar