Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov 2012 jylǵy 9 tamyzda qol qoıylǵan eki eldiń Ortalyq saılaý komıssııalary arasyndaǵy ózara túsinistik týraly memorandýmdy iske asyrý sheńberinde Qyrǵyz Respýblıkasynyń Saılaý jáne referendým ótkizý jónindegi ortalyq komıssııasynyń tóraǵasy Týıgýnaaly Abdraımovpen kezdesti.
Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov 2012 jylǵy 9 tamyzda qol qoıylǵan eki eldiń Ortalyq saılaý komıssııalary arasyndaǵy ózara túsinistik týraly memorandýmdy iske asyrý sheńberinde Qyrǵyz Respýblıkasynyń Saılaý jáne referendým ótkizý jónindegi ortalyq komıssııasynyń tóraǵasy Týıgýnaaly Abdraımovpen kezdesti.
Kezdesýge, sondaı-aq, Qyrǵyzstannyń Qazaqstandaǵy Tótenshe jáne ókiletti elshisi Esengul О́mirálıev te qatysty. Sapardyń maqsaty saılaý komıssııalaryn qurý jáne jergilikti atqarýshy bılik organdarynyń basshylaryn saılaý boıynsha Qazaqstan tájirıbesimen tanysý boldy.
«Táýelsiz Qyrǵyzstan men Qazaqstan arasynda kóp baǵyttar boıynsha tıimdi qarym-qatynas jasaýǵa múmkindik beretin tatý kórshilik, dostyq qarym-qatynas qalyptasqan. Saılaý júıesin damytý jáne jetildirý salasyndaǵy tájirıbe almasý osy baǵyttardyń biri bolyp tabylady», – dep atap ótti Qýandyq Turǵanqulov kezdesýde. Sonymen qatar, ol óziniń áriptesin Qazaqstan Respýblıkasynyń Prezıdenti N.Á.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýynyń negizgi qaǵıdalary týraly, Qazaqstanda ótken jylǵy jazda ótken aýyl ákimderin saılaý jóninde, Qazaqstan Respýblıkasy Ortalyq saılaý komıssııasynyń aýmaqtyq, okrýgtik jáne ýchaskelik saılaý komıssııalarynyń jańa quramdaryn qurý jónindegi qyzmeti týraly, sondaı-aq, Komıssııanyń aǵymdaǵy jylǵy josparlary týraly aqparattandyrdy.
Elbasynyń Qazaqstan halqyna Joldaýynda qoıǵan mindetteri týraly, sondaı-aq, Prezıdent bastama etken ınnovasııalar jaıly Ortsaılaýkom múshesi Lázzat Súleımen tolyǵyraq aıtyp berdi. Al jergilikti atqarýshy organdardyń basshylaryn saılaýdy uıymdastyrý jáne ótkizý boıynsha Qyrǵyzstan men Qazaqstan tájirıbesin talqylaý sheńberinde Ortsaılaýkom hatshysy Baqyt Meldeshov Qazaqstan Respýblıkasynyń aýdandyq mańyzy bar qalalary, aýyldyq okrýgteri, aýyldyq okrýgtiń quramyna kirmeıtin kentteri men aýyldary ákimderin saılaý erekshelikterine tolyǵyraq toqtalyp ótti. Ortsaılaýkom múshesi Tatıana Ohlopkova aýmaqtyq, okrýgtik jáne ýchaskelik saılaý komıssııalarynyń jańa quramdaryn qurý boıynsha júrgizilip jatqan aǵymdaǵy ister jaıly habardar etti.
Qyrǵyz Respýblıkasy Saılaý jáne referendým ótkizý jónindegi ortalyq komıssııanyń tóraǵasy óz kezeginde Qyrǵyzstandaǵy merler men jergilikti ózin-ózi basqarýdyń atqarýshy organdarynyń basshylaryn saılaýdy ótkizý tájirıbesimen bólisti. Ol 2014 jylǵy 15 qańtarda ótken eldegi eki iri qala – Bishkek pen Oshtyń merlerin saılaý, sondaı-aq, Qyrǵyzstannyń saılaý organdaryn qurý erekshelikteri jóninde aıtyp berdi.
Taraptar kezdesýde ekijaqty baılanystardyń budan ári keńeıip, nyǵaıatynyna senimdi ekendikterin bildirdi. «Bizdiń yntymaqtastyǵymyz aldaǵy ýaqytta da osyndaı jemisti jáne syndarly sıpatta jalǵasatynyna senim bildiremin. О́ńirler boıynsha sapar barysynda bizdiń elimizdiń saılaý organdarynyń naqty jumysymen aldaǵy tanysý sizge ol týraly neǵurlym tolyq jáne shynaıy pikir qalyptastyryp, Qazaqstan men Qyrǵyzstan saılaý komıssııalarynyń arasynda tájirıbe almasý úderisiniń taǵy da bir kezeńi bolatynyna senimdimin», – dedi Q. Turǵanqulov kezdesý sońynda.
Álısultan QULANBAI,
«Egemen Qazaqstan».
