• 28 Qańtar, 2014

Juldyzyń jarqyrasyn, Jańaózen!

441 ret

kórsetildi

2 mın

oqý úshin

Egemen Qazaqstan

Munaıly Jańaózen jańǵyrý jolyna tústi. Qalany áleýmettik-ekonomıkalyq damytýdyń 2012-2020 jyldarǵa arnalǵan, kásipkerlikti damytýdyń 2012-2014 jyldarǵa arnalǵan josparlaryn jáne monoqalalardy damytý baǵdarlamasyn basshylyqqa alǵan qala eńsesin kóterip, boıyn tiktep keledi.

ozen 1

ozen 13

Tabıǵı ósim jáne ishki mıgrasııa áserinen Jańaózen turǵyndarynyń sany ótken jyly 130 myńǵa jýyqtady. Kásipkerlikke qoldaý kórsetilýi, jańa jumys oryndarynyń ashylýy, áleýmettik áleýet munaıly qalaǵa qonystanýǵa qyzyǵýshylyq tanytýshylardyń qataryn azaıtpaı otyr. Bul qalanyń jan-jaqty damý yrǵaǵyn bir sátke tolastatýǵa bolmaıtyndyǵyn uqtyrady.

Jańaózendegi 38 balabaqsha 5505 balany qamtyǵan, al 22 kúndizgi mektepte 23018 oqýshy bilim alýda. 2013 jyly budan 44 jyl burynǵy jańalyqty qaıtalap, 4176 sábı ómirge keldi.

О́tken jyly munda 15 jańa nysan paıdalanýǵa berildi. Olardyń arasynda «Juldyz» shaǵyn aýdanynan ashylǵan 320 oryndyq balabaqsha, «Bostandyq» shaǵyn aýdanyndaǵy 624 oryndyq mektep, «Rahat» shaǵyn aýdanyndaǵy 250 oryndyq emhana, 2 stasıonarlyq polısııa beketi, t.b. bar. «Rahat-3» shaǵynaýdanyn sýmen jabdyqtaý júıe-si, 20 aýla alańy, 12 mektep aýlasy iske qosyldy. Jańadan ashylǵan «Jalyn» kınoteatry, «Nesip» balabaqshasy, «Nur-Shyn» JShS 30-dan astam turǵynǵa jańa jumys oryndaryn usyndy.

Áleýmettik dúmpýi osylaı órilgen óńir 2013 jyly 141,9 mlrd. teńge ónim óndirip ónerkásiptik ónimniń naqty kólem ındeksi 112,4%-dy qurady. 457,4 myń tonna shıki munaı óndirilip, ótken jylmen salystyrǵanda, 9,6 %-ǵa artyq kórsetkish berdi. Gaz óndirýde de eńbek ónimdiligi údegen – 460,6 mln. tekshe metr tabıǵı gaz óndirilip, 2012 jyl qorytyndysynan 2,9 %-ǵa artty. Halqy kóp qalada qurylys jumystary erekshe qarqynǵa ıe. О́tken jyly qurylys jumystarynyń kólemi 20,3 mlrd. teńgeni quraǵan.

Gúlaıym ShYNTEMIRQYZY,

«Egemen Qazaqstan».

Mańǵystaý oblysy.

ozen 3