Sport • 13 Qyrkúıek, 2021

Taldyqorǵanda trıatlonnan Qazaqstan chempıonaty ótip jatyr

24 ret kórsetildi

Qapshaǵaıda trıatlonnan Qazaqstan chempıonaty jalǵasyp jatyr, dep habarlaıdy Egemen.kz.

Qazaqstan trıatlon federasııasynyń málimetinshe, jarysqa Nur-Sultan, Almaty, Shymkent, Aqmola, Qostanaı jáne Túrkistan oblystarynan kelgen túrli sanattardaǵy 95 sportshy qatysty. Sportshylar 300 m júzý, 8 km velododa men 2 km júgirý boıynsha ózara myqtyny anyqtady.

Almatylyq Anýar Týrýbaev qarsylastar aldynda myqtylyǵyn taǵy da dáleldedi. Ol Elite sanatynda 24:31 nátıjesimen top jardy.  Odan eki mınýttaı jeńilgen Semen Pıvovarov (Qostanaı obl.) ekinshi orynnan kórindi. Bul sanattaǵy qyzdar arasynda saıys alańyna tek Darıa Bychkova shyǵyp, 29:43 nátıjesimen saıysty támamdady.

«Ander» sanattaryndaǵy sportshylar arasynda básekeli saıys ótti. U15 sanatyndaǵy qyzdar arasynda óziniń tyńǵylyqty daıyndyǵyn 28:06 ýaqytymen Dıana Erjanova kórsetti. Astanalyq trıatlon federasııasynyń shákirti Dıananyń osy jyly barsha respýblıkalyq dodalarda jeńiske jetkendigin aıta ótken jón. Ekinshi jáne úshinshi oryndardy Aqmola oblysynyń sportshy qyzdary Iýlıana Petrova (29:46) men Anel Isabaeva (30:02) jeńip aldy.

Bul sanattaǵy erler arasynda 26:07 ýaqytyn kórsetken astanalyq Alınabı Maralbekov altyn aldy. Kúmis júldeni aqmolalyq Tımýr Bakırov (26:39) jeńip alsa, qola júlde taǵy bir astanalyq Qýanysh Bekenovtiń (26:41) qanjyǵasynda ketti.

U17 sanatyndaǵy qyzdar arasynda taǵy bir astanalyq sportshy Eva Pınchýk (30:21) jeńiske jetti. Ekinshi orynda otyz sekýndqa qalyp qoıǵan Anastasııa Zaharova (Aqmola obl.) bolsa, úshinshi orynda – almatylyq Mılena Saprına (31.04). U17  sanatyndaǵy barlyq erler arasynda márege birinshi bolyp kókshetaýlyq Arlan Jańabaı (25:15) jetti. Qostanaılyq Rýslan Bekenov (25:43) ekinshi atansa, astanalyq Alı Janat (25:47) úshinshi boldy.

U19 sanatyndaǵy qyzdar arasynda altyndy jasóspirimder quramasynyń múshesi Arýjan Amanjolova (Túrkistan obl.) 30:46 ýaqytymen alyp ketti. Ekinshi orynda shymkenttik Hafıza Gýltýraeva (31:21). Osy sanattaǵy erler arasynda úzdik úshtik ataný básekesinde almatylyq sportshylar naǵyz úzdik nátıje kórsetti. Máredegi kúresti 23:41 ýaqyt kórsetken Danııl Porodnov jeńip aldy. Eki sekýnd qana keshikken Aleksandr Ten kúmis júldeger atansa, bir sekýndtan keıin máre kesken Egor Krýpıakov qola júldeni qanaǵat tutty.  

23 jasqa deıingi sanatta saıysqa shyqqan Iýlııa Ozerova 28:01 ýaqytymen márege jetti. Alıhan Abýseıt (Shymkent) U23 sanatyndaǵy saıysty jeńip aldy (24:06). Almatylyq  Kırıll Rojkov (24:41) ekinshi orynnan kórinse, túrkistandyq Erasyl Amanjolov jeńimpazǵa elý sekýnd utylyp, úshtikti qorytyndylady.

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar