Atalmysh bastama «Qazaqstan Respýblıkasynyń bıologııalyq qaýipsizdigi týraly» zań jobasynyń aıasynda kóterilip otyr.
«Bizde mamandar joq emes, bar. Biraq tolyqqandy bıologııalyq qaýipsizdikti qamtamasyz etýge jetkiliksiz. Usynylyp otyrǵan zań jobasynda osy salaǵa jańa mamandardy barynsha kóbirek tartý kózdelgen.
Sanıtarlyq-epıdemıologııalyq beıindegi mamandar daıyndaýǵa 400 grant bólý qarastyrylǵan. Árıne, olardy bul salaǵa mamandandyrý mamannyń oǵan deıin alǵan bazalyq bilimine saı júrgiziledi. О́ıtkeni bıologııalyq qaýipsizdik salasynyń mamany ózi jaýap beretin salanyń da mamany bolýy kerek. Eger veterınarııa salasyndaǵy bıologııalyq qaýipsizdik mamany bolsa, veterınarııa salasynyń bazalyq bilimin meńgergen bolýy kerek. О́simdik sharýashylyǵy bolsa, oǵan sáıkes bazalyq bilimi bolý kerek degen sııaqty. Bul jerde bizdiń aıtyp otyrǵanymyz – bıologııalyq tiri organızmdermen jumys isteıtin mamandardar. Patogender dep bólip aıtyp otyrǵanymyz sondyqtan», dep túsindirdi bas sanıtar dáriger.
Vıse-mınıstr zań jobasyndaǵy bul usynys qabyldansa, joǵary oqý oryndarynyń qoǵamdyq densaýlyq saqtaý fakýltetterindegi oqytý baǵdarlamasy ózgertiletinin atady. «Eldegi sanaýly joǵary oqý ornynda qoǵamdyq qaýipsizdik fakýltetteri bar. 400 grant bólinse, mamandardy sol fakýltetter bazasynda oqytamyz. Naqty aıtsaq, qazir ondaı fakýltetter Qaraǵandy jáne Almaty medısınalyq ýnıversıetterinde bar. Osyndaı JOO-lar bazasynda sanıtarlyq-gıgıenalyq beıindegi mamandar daıarlaý josparlanyp otyr. Ol úshin biz oqytý baǵdarlamasyn ózgertemiz. Sonyń arqasynda atalmysh baǵyttaǵy saǵattar sany kóbeıtiledi», dedi Erlan Qııasov.
