Aq úıdiń burynǵy basshysy málim etkendeı, AQSh-tyń qazirgi prezıdenti Djo Baıden bıliginiń sońǵy segiz aıynda el «buryn-sońdy bolmaǵandaı quldyrady».
2022 jyldyń 8 qarashasynda Amerıka Qurama Shtattarynda О́kilder palatasyna saılaý ótedi. 2024 jyldyń 5 qarashasynda amerıkandyqtar jańa prezıdent saılaýy kerek. Tramp Memleket basshysynyń orny úshin qaıtadan jarysqa qatysatyndyǵyn naqtylamady, biraq óz sózinde «AQSh-ty jaqsy kóretinder baqytty bolady» dep aıtty.
Buǵan deıin Politico gazeti Tramptyń 2024 jylǵy saılaýǵa qatysqysy keletinin jazǵan bolatyn. Muny onyń aınalasyndaǵylar men respýblıkalyq partııanyń jaqtastary da rastady. Sarapshylardyń pikirinshe, eks-prezıdent osy maqsatpen medıa keńistikke shyǵýyn kúsheıtti. Ol áli túpkilikti sheshim qabyldamasa da, onyń shtaby qarajat jınaýdy bastap, Baıdenniń synymen qosa, saıası úgit-nasıhat jumystaryn júrgize bastady.
Bostondaǵy Emerson kolledjiniń saýalnamasy qazirgi jaǵdaıda, eger qaıta saılaý ótkizilse, burynǵy memleket basshysy bir paıyzdyq aıyrmashylyqpen jeńe alatynyn kórsetedi.
Tramp Baıdenniń jeńisin moıyndaýdan bas tartyp, «urlyq» týraly málimdedi.
Ol Baıdendi birneshe ret synǵa alyp, 2020 jylǵy prezıdenttik saılaýdyń nátıjeleri jalǵan ekenin atap ótti. Tramp qarsylasyn «Soltústik aǵyn-2» gaz qubyrynyń qurylysyna kedergi jasamaǵany úshin jáne Aýǵanstannan ásker shyǵarǵany úshin aıyptady.
2020 jyly prezıdenttik saılaýdyń jeńimpazy, AQSh-tyń 46-shy prezıdenti Djozef Baıden boldy. Donald Tramp daýys berý nátıjelerine qarsy turýǵa tyrysty. Jeńimpaz 7 qarashada anyqtalǵanyna qaramastan, daýystardy sanaý 8 jeltoqsanda aıaqtaldy. 14 jeltoqsanda saılaý alqasynyń 538 múshesi kóshbasshyny resmı túrde bekitti. AQSh Demokratııalyq partııasynyń kandıdaty úshin 306 saılaýshy, al burynǵy prezıdent Tramp úshin 232 daýys berdi.
Ol muny «tarıhtaǵy eń úlken jeńilisterdiń biri» dep atap, Aq úı basshysyn otstavkaǵa ketýge shaqyrdy.
Amerıka prezıdenti Baıden de Trampty jıi synǵa alady. Qyrkúıek aıynda sóz sóıleý kezinde ol Trampty eske alyp, turǵan jerinde shoqyna bastaǵan.
«О́zderińiz biletindeı, ótken jyly men saılaýda shynaıy Donald Trampqa qarsy kúrestim», dedi ol.
