Bul týraly «Habar24» telearnasy málimdedi.
Tamyz aıynda eldegi avtosalondardan 8734 jańa kólik satyldy. Shildemen salystyrǵanda 15 prosentteı az.
Sarapshylardyń aıtýynsha, saýdanyń báseńdeýine kólik tapshylyǵy áser etti. О́ıtkeni qurastyrý men tasymaldaýda kedergi kóp.
Eń bastysy, avtokólik elektronıkasyna qajetti mıkroshema jetpeı jatyr. Osyǵan baılanysty konsernder óndiristi azaıtty. Tipti keıbiri bólimshelerin ýaqytsha japqan. Otandyq dılerler qazir tapsyrysty aldyn ala qabyldaǵanymen jetkizý ýaqytyn keıinge shegerip jatyr. Ásirese sońǵy bir-eki aıda tasymal máselesi qıyndap ketti. Qytaı karantın talaptaryn kúsheıtip, Qazaqstanǵa Japonııa men Koreıadan keletin kólikter ýaqytynan keshikken. Buǵan deıin jańa kólikti 6 aı kútse qazir 8 aıǵa deıin sozylady.
Naryqta temir tulparlardyń tapshylyǵy týyndaǵan soń baǵasy qymbattap barady. О́ıtkeni satyp alýshy kóp. Jalpy bıyl segiz aıda otandastarymyz 76 myń jańa mashına satyp aldy. Byltyrmen salystyrǵanda 40 prosentke kóp.
