Aımaqtar • 20 Qyrkúıek, 2021

ShQO-da qarý-jaraq arsenaly tárkilendi

146 ret kórsetildi

Shyǵys Qazaqstan oblysynda atys qarýlaryn qoldan jasaǵan er adam ustaldy, dep habarlaıdy Egemen.kz.

«Polıseıler atys qarýyn zańsyz saqtaǵan kúdiktini tintip shyqty. Nátıjesinde, 56 jastaǵy er adamnyń turǵylyqty jeri men omartasynan 100-den astam oq-dári men 6 túrli qarý tárkilendi. Olardyń ishinde: 5,6 mm kalıbrli patrondarmen atýǵa arnalǵan qoldan jasalǵan tapansha, 5,6 mm kalıbrli qoldan jasalǵan oıyq myltyq, 28 jáne 12 mm kalıbrli TOZ-34 markaly eki tirkelmegen myltyq, sondaı-aq qarýdyń ártúrli quramdas bólikteri bar», dep habarlady ShQO PD baspasóz qyzmeti.

Ustalǵan azamattyń aıtýynsha, ol tárkilengen qarýdyń bir bóligin óz úıinde qoldan jasaǵan.

«Kúdikti sottyń sanksııasymen qamaýǵa alyndy. Onyń áreketteri QR QK-niń 287-baby «Qarýdy, oq-dárilerdi, jarylǵysh zattar men jarylǵysh qurylǵylardy zańsyz satyp alý, berý, ótkizý, saqtaý, tasymaldaý nemese alyp júrý» jáne QR QK-niń 288-baby «Qarýdy zańsyz jasaý» boıynsha 5 jylǵa deıin bas bostandyǵynan aıyrý jazasy kózdelgen», dep atap ótti ShQO PD bastyǵynyń orynbasary Talǵat Shaıahmetov.

1

Sońǵy jańalyqtar

Elimizdiń úsh oblysynda tuman túsedi

Aýa raıy • Búgin, 18:17

Uqsas jańalyqtar