О́ner • 23 Qyrkúıek, 2021

«Barymtashylar. Ýaqyt joly» fılmi otandyq prokatqa shyqty

94 ret kórsetildi

Samal Eslıamova basty róldi somdaıtyn «Barymtashylar. Ýaqyt joly» fılmi otandyq prokatqa shyqty, dep habarlaıdy Egemen.kz.

«Qazaqfılm» jáne japondyq Tokyo New Cinema kompanııasy atsalysqan «Ýaqyt joldary» fılminde tynysh ómiriniń shyrqyn buzyp, barymtashylar otaǵasyn aıaýsyz óltirgen otbasy týraly baıandalady.

Kartınanyń rejısserleri - Erlan Nurmuhambetov (Qazaqstan) jáne Lıza Takeba (Japonııa).

«Japondyq rejıssermen Kann kınofestıvalinde tanystym. Bul festıvalge Nur-Sultan qalasyndaǵy óner ýnıversıtetiniń atynan qatysqan edim. Rejısserge fılmniń ssenarııi týraly aıtyp berdim, oǵan kartınanyń jelisi birden unady. Keıin telefon arqyly baılanysqa shyqtyq, ol meni japondyq prodıýsermen tanystyrdy. Nátıjesinde «Qazaqfılm» kınostýdııasynyń qoldaýyn taýyp, fılmniń túsirilimine kiristik», dedi rejısser Erlan Nurmuhambetov.

Aıta ketsek, fılmde basty rólderdi Kann kınofestıvalinde úzdik aktrısa atanǵan Samal Eslıamova, tanymal qazaqstandyq teatr jáne kıno akteri Dýlyǵa Aqmolda jáne japondyq akter Mıraı Morııama, al ákesin joǵaltqan balanyń rólin Mádı Mınaıdarov esimdi jas akter somdady.

«Men Esik qalasynyń turǵynymyn. Sol jerde akterlik kýrstan óttim. Oqýdy bitirgennen keıin bizdi kastıngke shaqyrdy, men óz taǵdyrymdy synaý úshin Almatyǵa keldim. Erlan aǵa maǵan basty róldi berdi. Maǵan kıno óte unady. Basynda qıyn boldy. Ásirese, atqa minip júrý, óıtkeni men buryn atqa minip kórgen emespin. Kaskaderler maǵan kómektesti, úıretti», deıdi 14 jastaǵy Mádı Menaıdarov.

Aıta keteıik, «Barymtashylar. Ýaqyt joly» fılmi alǵash ret 2019 jyly Azııadaǵy eń iri kınofestıvalderdiń biri – halyqaralyq Býsan kınofestıvali sheńberinde kórsetildi.

Al byltyr atalǵan týyndy Tokıodaǵy halyqaralyq kınofestıval sheńberinde kórsetilip, Japonııada prokatqa shyqty. Sondaı-aq kartına Göteborg International Film Festival atty Skandınavııadaǵy eń iri festıvalde kórsetildi.

Odan bólek fılm Gonkong, Praga, Barselona, Nıý-Delı, Helsınkı, Toronto, Kottbýs, Jeneva syndy qalalarda ótken festıvalderge qatysty.

2021 jyldyń 29 maýsymynda «Ýaqyt joldary» fılmi Fransııada prokatqa shyǵyp, 20-dan astam qalada kórsetildi.

Qazan aıynda Qazaqstan men Japonııa birlesip túsirgen fılm sandyq TV+ telearnasy arqyly kórsetiletin bolady.

 

 

 

Sońǵy jańalyqtar

Demalys kúnderi aýa raıy qandaı bolady

Aýa raıy • Búgin, 13:38

Reseıde oq-dári qoımasy órtendi

Oqıǵa • Búgin, 11:50

Búgingi valıýta baǵamy

Qarjy • Búgin, 10:17

Elimizde 9,5 mln adam ekpe saldyrdy

Koronavırýs • Búgin, 09:49

COVID-19: Elimizde 1338 adam emdelip shyqty

Koronavırýs • Búgin, 09:08

Qaıta kesilgen tusaý

Aımaqtar • Búgin, 08:58

Boz kilemde – burymdylar

Sport • Búgin, 08:55

«Barys» jeńiske jetti

Sport • Búgin, 08:54

Elenanyń ekpini kúshti

Sport • Búgin, 08:53

Uqsas jańalyqtar