DDSU málimeti boıynsha, las aýa jyl saıyn jeti mıllıonnan asa adamnyń mezgilsiz qaıtys bolýyna sebep bolady. Dúnıejúzilik densaýlyq saqtaý uıymy sońǵy ret 2005 jyly aýa sapasy jónindegi nusqaýlyqtardy jarııalady, al sońǵy 16 jyldaǵy málimetterdi taldaı kele, qazirgi kezdegi zııan bólshekter buryn qabyldanǵan konsentrasııadan tómen, ári zııan degen qorytyndyǵa keldi.
«Aýanyń lastanýy barlyq elde densaýlyqqa qaýip tóndiredi, biraq ol tabysy tómen jáne ortasha elderdegi adamdarǵa qatty áser etedi. DDSU-nyń aýa sapasyna qatysty jańa nusqaýlary aýa sapasyn jaqsartýdyń ǵylymı negizdelgen jáne praktıkalyq quraly sanalady. Men barlyq eldi, qorshaǵan ortany qorǵaý úshin kúresetinderdiń bárin qaıǵy-qasiretti azaıtýǵa shaqyramyn», dedi DDSU bas dırektory Tedros Adanom Gebreısýs.
DDSU sarapshylary aýadaǵy kómirtegi mólsherin júıeli túrde ólsheýdi, shyǵaryndylar men lastaný kózderin túgendeýdi usynady. Memlekettik bılik oryndary ǵalymdardyń pikirinshe, jańa standarttar ázirlep, atmosferadaǵy zııandy bólshekterdi azaıtý jónindegi nysanaly kórsetkishterdi belgileýi, shyǵaryndylardyń adam densaýlyǵyna áserin baǵalaý tásilderin ilgeriletý úshin ǵylym men tehnologııanyń jańa jetistikterin engizýi kerek. Sondaı-aq DDSU kóshelerdegi zııan shańmen shyǵatyn gazdardyń mólsherin azaıtý úshin qalalyq keńistikti muqııat josparlaýdy usynady.
