Ádebıet • 26 Qyrkúıek, 2021

«Er Edige – Noǵaıly dáýiriniń jyry» halyqaralyq baıqaýda úzdik atandy

66 ret kórsetildi

TMD elderi arasynda «Kitap óneri» XVIII halyqaralyq onlaın-baıqaýy ótti. «Er Edige – Noǵaıly dáýiriniń jyry» mýzykalyq antologııasy «Mádenıetter úndestigi» nomınasııasynda úzdik dep tanyldy, dep habarlaıdy Egemen.kz.

Aqtóbede Noǵaıly dáýiri jyrlarynyń antologııasyn Halyq shyǵarmashylyǵy ortalyǵy qolǵa aldy. Elimizdiń ár óńirinen shyqqan jyrshy-jyraýlardyń oryndaýynda 60 saǵattyq jyr jazylyp, antologııa jaryqqa shyqty.

«500 danamen jaryqqa shyqqan «Er Edige – Noǵaıly dáýiriniń jyry» mýzykalyq albomy ulttyq mýzyka tarıhyndaǵy eleýli oqıǵa ekeni sózsiz. TMD elderi arasynda ótken «Kitap óneri» XVIII halyqaralyq onlaın-baıqaýynda «Mádenıetter úndestigi» nomınasııasy berildi. Eń bastysy – qazaqtyń «Er Edige» jyry eshqashan óshpesteı bolyp taspaǵa tústi. Mýzykalyq dastan eki bólikten turady. Birinshi kitapta «Qyrymnyń qyryq batyry» jáne «Edige batyr» týraly tarıhı málimet, jyrdy bizge jetkizgen jyraýlar, elimizdiń ár óńirinen sol muralardy jyrlaǵan jyrshy-jyraýlardyń ómirbaıandary, qazaq, orys jáne aǵylshyn tilinde berilse, kelesi kitapshanyń ishinde jyr jazylǵan 10 dısk ornalasqan.

Jalpy redaksııasyn basqarǵandar – ıdeıa avtory, Aqtóbe oblysynyń ákimi Ońdasyn Orazalın, jobanyń jetekshisi, ataqty jyraý, Qazaq ulttyq óner ýnıversıtetiniń professory Almasbek Almatov, jobanyń ǵylymı jetekshisi, Saqtaǵan Báıishev ýnıversıtetiniń professory, edigetanýshy Jumanazar Asan, ólketanýshy Bekarystan Myrzabaı, mýzykalyq redaktory, «Qazaqkonsert» memlekettik mekemesiniń solısi, «Daryn» memlekettik syılyǵynyń ıegeri Kúnsulý Túrikpen, dybys rejısseri Dastan Palmanov, mýzykalyq shyǵarmalardy óńdegen, kompozıtor Amangeldi Sándibaıuly, mýzykalyq albomdy basyp shyǵarǵan almatylyq «Qazaq kitaptary» JShS dırektory Orynbek Ánesov jáne ulttyq naqyshta bezendirgen sýretshi Aıbek Orynbasarov», dedi oblystyq halyq shyǵarmashylyǵy ortalyǵy dırektorynyń orynbasary Gúlnar Seıtalına.

Sońǵy jańalyqtar

Instagram balalar qaýipsizdigin kúsheıtedi

Mýltımedıa • Búgin, 17:32

Bapker: Konor jekpe-jekti saǵynyp júr

Jekpe-jek • Búgin, 15:53

Aqyly joldarda qandaı jeńildikter bar?

Aımaqtar • Búgin, 15:22

Jańa salmaq jańa múmkindik pe?

Boks • Búgin, 12:07

Uqsas jańalyqtar