5-qazanǵa deıin sozylatyn jarysta 200-ge tarta oıynshy baq synaıdy. Olar erler, áıelder, juptyq jáne aralas juptar arasynda ótetin jarystardyń júldelerin sarapqa salady. Baıraqty básekede Qazaqstannyń segiz sportshysy óner kórsetedi. Solardyń arasynan Kırıll Gerasımenkoǵa aıryqsha senim artamyz. Ol Olımpııa oıyndary men álem chempıonattaryna, kóptegen halyqaralyq týrnırlerge qatysyp mol tájirıbe jıǵan ústel tennısshisi. Bul kúnderi jerlesimiz álemdik reıtıngte 45-orynda tur. Bıylǵy el chempıonatynda tórt altyndy oljalaǵan 15 jasar Alan Qurmanǵalıevtiń de múmkindigi joǵary baǵalanýda. Sondaı-aq, Dohadaǵy dodada Aıdos Kenjeǵulov, Irısbek Artýkmetov, Sarvınoz Mırkadırova, Anastasııa Lavrova, Záýresh Aqasheva jáne Ánel Baqyt syndy oıynshylar óz ónerlerin ortaǵa salady.
Birden aıta keteıik, Azııa birinshiliginde úzdikter sanatynan kóriný óte qıyn sharýa. Sebebi, álemdik reıtıngte alǵashqy alty oryndy ıelenip otyrǵandar dáp osy sary qurlyqtyń ókilderi. Jáne de búgingi tańda «TOP-50» oıynshynyń sanatyna engenderdiń teń jartysy azııalyqtar ekenin esten shyǵarmaǵan jón.
