Agenttik Tóraǵasynyń birinshi orynbasary O. Bektenov Mınıstrlik jetekshilik etetin salalardaǵy eleýli sybaılas jemqorlyq táýekelderine nazar aýdaryp, olardy joıý úshin shuǵyl túrde júıeli shara qabyldaý qajet ekenine nazar aýdardy.
«Ekologııalyq baqylaý bólimshesi qyzmetkerleriniń jemqorlyq jasaý faktileriniń jıilep ketýi zor alańdaýshylyq týdyrady. Paıdakúnem qyzmetkerler ekologııalyq talaptardy buzǵany úshin zańmen belgilengen qomaqty aıyppuldardy kásipkerlerge qysym kórsetýge jáne zańsyz syıaqy talap etýge paıdalanady», dep atap ótti ol.
Agenttiktiń Prevensııa qyzmetiniń basshysy M.Tóleýbaev sońǵy 3,5 jylda Mınıstrlik jetekshilik etetin salalarda 80-ge jýyq jemqorlyq faktisi sotqa jiberilgenin aıtty. Mysaly, bıyl 30 mln teńge kóleminde para alǵan Qyzylorda oblysy boıynsha ekologııa departamenti basshysynyń mindetin atqarýshy A. sot úkimimen 11 jylǵa bas bostandyǵynan aıyrylǵan. A-ǵa úkim shyǵarylǵan kúni talapty qaıtaryp alýǵa yqpal etkeni úshin 50 mln teńge kóleminde para alý kezinde bas ekologııalyq ınspektor – osy oblystyń ekologııa departamenti basshysynyń orynbasary ustalǵan.
«Árbir qylmystyq quqyq buzýshylyq boıynsha egjeı-tegjeıli taldaý júrgizip, sybaılas jemqorlyqqa yqpal etetin naqty sebepter men jaǵdaılardy anyqtaý qajet», dep túıindedi M. Tóleýbaev.
Ekologııa, geologııa jáne tabıǵı resýrstar mınıstri S. Brekeshev árbir sybaılas jemqorlyq faktisi boıynsha tártiptik shara qabyldanatynyn aıtty.
