«QazVac-tyń delta shtamymen kúrestegi qaýqaryna júrgizilgen zertteý nátıjesi otandyq vaksınanyń tıimdi ekenin kórsetti. Úkimettiń tapsyrmasy boıynsha Bıologııalyq qaýipsizdik problemalarynyń ǵylymı-zertteý ınstıtýty (BQPǴZI) ýhan koronavırýsynyń shtamyn deltaǵa beıimdeý jáne aýystyrý boıynsha mańyzdy jumys júrgizdi. Qazan aıynda búkil QazVac vaksınasy delta shtamymen shyǵarylady.
Al Eta shtamy boıynsha búginde atalǵan ınstıtýt patologııalyq materıaldar aldy jáne 2 apta ishinde shtamm boıynsha zertteý jasaý josparlanyp otyr. Sodan keıin atalǵan shtamǵa qatysty QazVac tıimdiligin synaý jumysy júrgiziledi», dedi E. Toǵjanov Úkimet úıinde ótken baspasóz máslıhatynda.
Premer-Mınıstr orynbasarynyń aıtýynsha, elge kelgen koronavırýs shtamdaryn zerttep, onymen kúresý máselesi únemi baqylaýda.
