«Respýblıkanyń basym bóliginde turaqsyz aýa raıy saqtalady, frontaldy bólikterdiń áserinen jaýyn-shashyn, respýblıkanyń soltústiginde, soltústik-batysynda, ortalyǵynda qatty jaýyn-shashyn (jańbyr, qar) jaýady. Respýblıka boıynsha jel kúsheıedi, ońtústikte, ońtústik-shyǵysta shańdy daýyl soǵyp, ońtústik-batysta, soltústik-batysta tuman, soltústik-batysta, ońtústikte naızaǵaı oınaıdy», delingen «Qazgıdromet» RMK baspasóz habarlamasynda.
Atap aıtqanda, Soltústik Qazaqstan oblysynda jeldiń kúshi 15-20, ekpini 23-28 m/s deıin jetedi.
Qostanaı oblysynda jel 15-23 m/s kúsheıip, oblystyń ońtústiginde naızaǵaı oınaıdy, túnde jáne tańerteń oblystyń soltústiginde tuman túsip, kóktaıǵaq bolýy múmkin.
Aqmola oblysynyń soltústik-shyǵysynda jel 15-23 m/s deıin jetedi. Kúndiz Túrkistan oblysynyń batysynda jáne soltústiginde jel 15-20 m/s kúsheıip, shańdy daýyl soǵady.
Túnde jáne tańerteń Qyzylorda oblysynyń soltústik-batysynda naızaǵaı oınap, oblystyń ortalyǵynda jel 15-20 m/s kúsheıip, shańdy daýyl soǵady.
Qaraǵandy oblysynyń batysynda, shyǵys jáne ortalyǵynda jel 15-20 m/s deıin jetedi.
Kúndiz Batys Qazaqstan oblysynda jel 15-20 m/s deıin jetedi.
Túnde jáne tańerteń Aqtóbe oblysynyń batysynda jáne soltústiginde tuman túsedi.
Túnde Atyraý oblysynyń ońtústiginde jel 15-20 m/s deıin jetedi.
Jambyl oblysynyń ońtústik-batysynda jáne taýly aýdandarynda jel 15-20 m/s kúsheıip, oblystyń ońtústik-batysynda jel shańdy daýylmen soǵady.
Almaty oblysynyń soltústiginde jel 15-20 m/s kúsheıip, shańdy daýyl soǵady.
Shyǵys Qazaqstan oblysynyń batysynda, soltústiginde , soltústik-shyǵysynda jel 15-20 m/s deıin jetedi.
Kúndiz Pavlodar oblysynyń batysynda, soltústiginde jel kúshi 15-20 m/s deıin jetedi.
Mańǵystaý oblysynyń soltústiginde jel 15-20 m/s kúsheıedi, túnde jáne tańerteń oblystyń batysynda jáne ońtústik-shyǵysynda tuman túsýi múmkin.
