Aımaqtar • 28 Qyrkúıek, 2021

Almatyda aıyppul tólemegen júrgizýshilerden 50 mln teńge óndirildi

83 ret kórsetildi

Almatyda «Boryshker» jedel aldyn alý sharasy barysynda aıyppul tólemeı júrgen kólik ıelerinen 50 mln teńge óndirildi, dep habarlaıdy Egemen.kz.

Almatyda «Boryshker» jedel aldyn alý sharasy aıaqtaldy. Reıd barysynda ákimshilik polısııa, jergilikti polısııa qyzmetiniń qyzmetkerleri, sondaı-aq prokýratýra ókilderi men jeke sot oryndaýshylary ákimshilik aıyppuldardy óndirip aldy.

«Eki kún ishinde atqarýshy organ qyzmetkerlerimen birge memlekettik bıýdjetke 50 mıllıonnan astam teńge jınaldy. Aıyppul tólemegen 32 kólik mamandandyrylǵan aıyppul turaǵyna qoıyldy, 298 júrgizýshi 35 mıllıon teńgeden astam somaǵa ákimshilik aıyppul boıynsha bereshegi bar ekendigi týraly eskertý aldy, sondaı-aq, buryn jeke sot oryndaýshylarymen 71 mıllıonnan astam somaǵa arestke qoıylǵan kólikter ustaldy», dedi Almaty qalalyq PD Ákimshilik polısııa basqarmasynyń bastyǵy Nurlan Amanbek.

Onyń aıtýynsha, shara barysynda ákimshilik aıyppul salynǵan 600 myń teńgeden asatyn bereshegi bar turǵyn anyqtaldy. Qaryzy tolyq ótelgenshe onyń da kóligi arnaıy turaqqa qoıyldy.

 

 

Sońǵy jańalyqtar

Uqsas jańalyqtar