Qazaqstan • 28 Qyrkúıek, 2021

Májilis Tóraǵasy «Túrkistan» telearnasyn Túrki elderine ortaq arna etýdi usyndy

32 ret kórsetildi

Májilis Tóraǵasy Nurlan Nyǵmatýlın Túrkistan qalasynda ótip jatqan Túrkitildes elder Parlamenttik Assambleıasynyń X plenarlyq otyrysynda Qazaqstannyń TúrkPA-ǵa tóraǵalyǵynyń negizgi baǵyttaryna nazar aýdardy, dep habarlaıdy  Egemen.kz Májilistiń baspasóz qyzmetine silteme jasap.

Sýretti túsirgen J.Jumabekov

Sessııa jumysyna TúrkPA-ǵa múshe elderdiń Ázerbaıjan, Qazaqstan, Qyrǵyzstan jáne Túrkııanyń, sondaı-aq qonaq retinde О́zbekstannyń jáne baqylaýshysy mártebesimen Majarstannyń parlamenttik delegasııalary, Túrki yntymaqtastyǵy uıymdarynyń, baqylaýshy uıymdardyń jáne basqa da mekemelerdiń basshylary men ókilderi qatysty.

Nurlan Nyǵmatýlın, Assambleıa qyzmetiniń aldaǵy negizgi baǵyttary eń aldymen, Túrki áleminiń uzaq merzimdi maqsattaryn iske asyrýǵa serpin beretin «Túrki keleshegi – 2040» strategııalyq qujatyn ázirleý ekenin aıtty.

– Biz Keńeste TúrkPA-nyń Modeldik zańdar týraly erejesin qabyldadyq. Sonymen birge TúrkPA zań jobalaý qyzmetiniń 2022-2027 jyldarǵa arnalǵan baǵdarlamasyn ázirleıtin  bolamyz. Jańa sıfrlyq tehnologııalardyń damýy aqparattyq qaýipsizdikti qamtamasyz etýge kóńil bólýdi qajet etedi. Sondyqtan, biz «Kıberqaýipsizdik týraly»  modeldik zań qabyldaýdy usynamyz, – dedi Palata Spıkeri. 

Nurlan Nyǵmatýlınniń aıtýynsha, taǵy bir negizgi baǵyt – ol halyqaralyq qatynas.

Sonymen qatar otyrys barysynda qaýipsizdik jaǵdaıyna erekshe nazar aýdaryldy. Bul baǵytta, ásirese, Aýǵanstandaǵy qazirgi jaǵdaı alańdatyp  otyr.  Qazirgi ýaqytta Birikken Ulttar Uıymynyń Aýǵanstanǵa kómek kórsetý mıssııasynyń qyzmetkerleri ýaqytsha Almatyǵa kóshirildi. Osyǵan oraı, Májilis Tóraǵasy búgingi kúni atalǵan eldiń gýmanıtarlyq daǵdarys  aldynda turǵanyna basa aıtyp:

– Biz Birikken Ulttar Uıymy aıasynda Almatyda halyqaralyq gýmanıtarlyq – logıstıkalyq hab qurýdy usynamyz. Taǵy bir másele TúrkPA-ǵa qatysýshy memleketter  aıasyn  keńeıtý, – dedi.

Sondaı-aq Májilis Tóraǵasy mereıtoılyq otyrysqa О́zbekstan Parlamentiniń ókilderi de qatysyp otyrǵanyna qýanyshty ekenin jetikizip, qazirgi ýaqytta Túrkmen áriptestermen de parlamentaralyq baılanystyń nyǵaıyp kele jatqanyn atap ótti.

Nurlan Nyǵmatýlın Túrki áleminiń birligi bizdiń elderimiz arasyndaǵy mádenı-gýmanıtarlyq yntymaqtastyqty nyǵaıtýmen tikeleı baılanysty ekenine nazar aýdaryp, tóraǵalyq barysynda mádenıet, ǵylym jáne bilim salasyndaǵy qatynastardy odan ári nyǵaıtýǵa erekshe kóńil bóletinine toqtaldy.

Májilis Tóraǵasy otyrys barysynda Qazaqstannyń Tuńǵysh Prezıdenti, Elbasy Nursultan Nazarbaevtyń bastamasymen bıyl «Túrkistan» telearnasy ashylǵanyn, az ǵana ýaqyttyń ishinde bul telearna zamanǵa saı úzdik tehnıkalarmen qamtamasyz etilip, joǵary kásibı mamandarmen tolyqqanyn aıtty. 

– Túrkistan búkil Túrki áleminiń «rýhanı Astanasy» bolǵandyqtan, atalǵan telekanaldy jalpy Túrki memleketterine  ortaq  arna  jasaýdy usynamyn, – dedi Nurlan Nyǵmatýlın.

Májilis Tóraǵasynyń pikirinshe, ol elderimizdiń áleýmettik-ekonomıkalyq, saıası damý jolyn jáne parlamentter qyzmetin jan-jaqty nasıhattap, búkil Túrki elderine qajetti aqparattyq orta qalyptastyrýǵa úles qosatyn bolady.

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar