Ánshi Instagram paraqshasynda álemdik shoý-bıznestegi jumysyn jalǵastyrý araǵa eki jyl salyp Qytaıǵa oralǵanyn aıtty.
«Dúnıejúzilik karantınge baılanysty bul kezdesýdi eki jyl kúttik. Men bir aıǵa jýyq oqshaýlandym. Osy ýaqyt ishinde alda Qytaıdaǵy óz komandammen birge júzege asyratyn túrli josparlar daıyndadym. Alda ár túrli konsertterge qatysamyn. Álemniń barlyq elderindegi telebaǵdarlamalardyń qonaǵy bolamyn (eger karantınge baılanysty konsertter men telebaǵdarlamalardy túsirýge tyıym salynbasa). Iá, búkil álemde bolǵan karantın meniń josparyma da áser etti, biraq alda óz jumysymmen qýantatyn bolamyn», dedi Qudaıbergen.
Dımash kınofestıvalge qurmetti qonaq retinde qatysty. Kesh barysynda jankúıerlerge qoltańba berip, sahnada Screaming ánin oryndady. Sondaı-aq, qytaılyq BAQ-qa bergen suhbatynda, eki jyl ishinde Qytaıdaǵy jankúıerlerin saǵynǵanyn, elge kelgenine qýanyshty ekenin aıtty.
